tia tanindrazana

Parution du Jeudi, 30 Juin 2022

airtel

Politique

Fitantanana ny CUA Miha mangotraka ny rombo…

Nangotraka ny fanombohan’ny ho an’ny fivoriana ara-potoanan’ny mpanolontsaina monisipaly eo amin’ny Kaominina Antanarivo Renivohitra (CUA) omaly, izay haharitra 10 andro.

31-mars-2022

Sample post image

 Nitohy ny fifanenjanana teo amin’ny mpanolontsaina voasokajy ho mpanohitra Rtoa Clémence Raharinirina izay IRK sy ny Ben’ny tanàna Atoa Naina Andriantsitohaina. Nitohy ny fanatsikafonan’io mpanolontsaina io ny raharaha SMGD (Société Municipale de Gestion Digitale) mifandray amin’ilay findramana volabe hatrany amin’ny 11 miliara Ar tamin’ny CNaPS (Caisse Nationale de Prévoyance Sociale). “SMGD-CUA, niteny ianao fa hividianana ny Easy Park; milaza ianao fa fantatry ny mpanolontsaina ka mba mangataka aho ho an’izay mpanolontsaina sahy milaza fa nentina teto izany 11 miliara Ar izany”, hoy i Clémence Raharinirina. Tsy nisy ny nananga-tànana, ka nanehoan’io mpanolontsaina io, fa dradradradraina ny fangaraharana kanefa atahorana. Notapahan’ny Filohan’ny Filankevitra monisipaly io mpanolontsaina fa tsy azo terena ny mpanolontsaina hananga-tànana. Mbola nampian’i Clémence Raharinirina fa ny 08 desambra 2020 mbola tsy nisy SMGD no efa nandeha tany amin’ny CNaPS nandresy lahatra momba an’io 11 miliara Ar io ny ben’ny tanàna. Notanisain’i Clémence Raharinirina hatrany ny fisian’ny fianakavian’ny ben’ny tanàna ao anatin’ny SMGD. Ianareo milaza fa an’ny CUA ny SMGD kanefa ny fianankavianao. 40% amin’ny volan’ny Parking raofin’ny SMGD, 30% ny volan’ny miditra amin’ny hetra raofin’ny SMGD daholo. Nanamafy ny fitakiana ny fanesorana ny ben’ny tanàna ity mpanolontsaina ity satria be loatra. “Raha te hanongana ny ben’ny tanàna ianao dia torio izy, fa raha ato amin’ny mpanolontsaina dia tsy miongana, mila manohy ny asany izy, izahay mila an’Antananarivo mandroso. Ataoko mazava tsara! Ianao moa efa nikasa hirotsaka fa tsy tafa dia izao mihetsiketsika any ambadika any, mahandrasa tantana mahandrasa 2023”, hoy kosa Rtoa Lalatiana Ravololomanana mpanolontsaina monisipaly, manohana ny ben’ny tanàna. “Rehefa tsy hanala ianao dia ho hitantsika eo fa efa J-8”, hoy i Clémence namaly ny mpanolontsaina IRK izay mpomba ny ben’ny tanàna sy ireo mpanohana azy. Ny Taxi moa no nanome fe-potoana 12 andro hanesorana an’Atoa Naina Andriantsitohaina. Nomarihin’ny mpanolontsaina avy amin’ny Komba Toavina Ralambomahay moa, fa tsy tao voaresaka tao anatin’ny tetibola io raharaha 11 miliara Ar io, raha toa ka naneho kosa ny mpanolontsaina TIM Lilie Rafaralahy, fa tokony hofoanana ny fanomezam-pahefana (délégation de pouvoir) nomena ny ben’ny tanàna hindram-bola, ao anatin’ny fotoana misavorovoro no manao izany, ary ny fanomezam-pahefana manokana raha ny lalàna, dia izay voasoratra ao anatin’ny tetibola, araka ny fanamarihany.


Niaro tena kosa Atoa Naina Andriantsitohaina, nilaza fa ara-dalàna ny findramam-bola, ary nitsongoloka ny mpitantana teo alohany nentina nanamarinany ny tenany, ka nilazany, fa 300 pejy ny dosie eo an-tanany, nandritra ny 4 taona, nisy Royalities, nihoatra ny antsasany noraisin’ny ben’ny tanàna,... Raha resaka fanodinkodinana volam-bahoaka dia jereo aloha ny ao anaty harona, hoy izy. Momba 30% amin’ny vola azoo mena ny SMGD izay miteraka adihevitra be dia hanaovana “sécurisation” satria nisy fampiasam-bola ao, misy fitaovaa,... Tantara mitohy!
Toky R
 

Dans la même rubrique

Card image cap
Christine Razanamahasoa “Mialà ny mpitantana rehefa tsy mahavaha delestazy”
30-juin-2022

Ankoatra ny fandokafana nataon’ny ankamaroan’ny depiote mpomba ny fitondrana ary ny kiana mivaivay nataon’ireo depiote avy amin’ny antoko mpanohitra,

Card image cap
Antoko TIM feno 20 taona Miomana haka fahefana indray…
30-juin-2022

Miditra ao anatin’ny kihon-dàlana politika vaovao ny antoko Tiako i Madagasikara na ny TIM, izay mankalaza ny faha-20 taona nijoroany manomboka anio 30 jona 2022.

Card image cap
Tsenam-panjakana 146 tapitrisa Ar Misy mitory ny depiote Tsiliva
30-juin-2022

Notorian’Atoa Maharesy Roi Francis Ben’ny tanànan’Ankavandra teo aloha tompon’ny orinasa ETS AR Business any amin’ny Sampana fitarainana eo na “bureau de doléance” eo anivon’ny Fiadidian’ny Repoblika ny Depiote

Card image cap
Antoko politika Teza “Tokony higadra ingahy Andry Rajoelina”
30-juin-2022

Araky ny lalampanorenana, ny governemanta sy ny parlemantera, ny fifandraisany, indrindra, ny fanaovana lalana, dia ny parlemantera manara-maso ny mpanatanteraka, hoy ny antoko politika Teza.

Card image cap
Fanjakana tsy mahavaha olana “Fampalazana tena sy fampanantenana sisa no atao”
29-juin-2022

Fampalazana tena na « populisme » no mbola hanarontsaronana ny tena zava-misy iainan’ny vahoaka no tena ataon’ny Fitondrana Rajoelina ankehitriny.

Card image cap
Tsy hampandroso na afaka 100 taona aza… 51 miliara Ar isan-taona ho an’ny kaominina 1695
29-juin-2022

Mbola mila ezaka goavana ny resaka fitsinjaram-pahefana sy fitsinjarana ara-bola mba hoenti-mampiodina sy mampandroso ny firenena,

Voir plus