tia tanindrazana

Parution du Vendredi, 25 Novembre 2022

airtel

Politique

Fitondrana Rajoelina Takonana amin’ny serasera ny tsy fahombiazana

Taomina amin’ny kamio, mety hizarana vola, hampijerena fampisehoana maimaimpoana, avy eo alaina sary,… dia hoe: lany i Andry Rajoelina amin’ny 2023!

16-sept-2022

Sample post image

Izany no endrika isehoan’ny politika ankehitriny, io no fomba hoentina mitaiza ny sain’ny olona fa mbola tena mamim-bahoaka, ary lojika ny fandresena amin’ny taona 2023. Miharihary hatrany fa olona tena tompon’ny filalaovana serasera ny Filoha ankehitriny sy ny ekipany, mitantana firenena amin’ny kisehoseho sy ny santionan-javatra. Ny maka fahefana aloha dia tena sarotra ny manndainga fa tena hain’ny volomboasary, niainga tany amin’ny 2009 tamin’ny alalan’ny fanonganam-panjakana, nitohy tamin’ny fahalaniana mampiady hevitra tamin’ny fifidianana 2018, saingy tambony kosa amin’ny fahaiza-mitantana. Anton-kevitra lasitra na “document cadre” hitantanana ny firenena aza tao anatin’ny 4 taona latsaka kely tsy vita, sori-dàlana hitantanana an’I Madagasikara tsy voafaritra, programan’asa miainga amin’ny kitaitaitra hoe: tafita amin’ny fifaninana iraisam-pirenena ny ekipam-pirenena dia hanangana an’izao sy izao,… Milaza ho manam-bola hanohanana an’izatsy sy izaroa mba hojapiana amin’ny politika fa jamba sy marenina eo anatrehan’ny tena olan’ny firenena. Efa herintaona latsaka sisa hitondran-dRajoelina ny firenena, raha toa ka mbola ho kandida satria ny 07 septambra 2023 izy no mila mametra-pialana raha toa ka voahaja ny tetiandrom-pifidianana tokony hotanterahina manaraka eo. Hatramin’izay tsy hita izay tena natao, taitra ny olona tsy taitra, taitra irery vao mamaky takotra ka amin’ny faramparan’ny volana septambra no haroso sy hampahafantarina ofisialy ny PEM (Plan Emergence Madagascar), izay herintaona sy 9 volana aty aorian’ny nilazana fa hanolorana azy vao raikitra.
TSY HISY FAHAGAGANA
Mbola baraingo ny hoenti-manana hanatanterahana azy, miezaka manamboamboatra sary amin’ny sehatra iraisam-pirenena hoe: milamina ny tontolo ara-pandraharahana na “climat des affaires” eto Madagasikara, sangany amin’ny fampiroboroboana indostria I Madagasikara,… kanefa ny sary rehetra miseho ankehitriny, dia tsy misy fahamarinan-toerana na ara-politika na ara-diplaomatika. Tsy misy antoka ara-pitoniana, tsy milamina ara-politika, tsy misy fanjakana tsara tantana, tsy misy demokrasia, firenena tsy mandry fahalemana, angovo tsizarizary, ny toekarena mitotongana,… Endriky ny tsy fahazakana firenena ny sondro-bidim-piainana tafakatra 9,8% ary mbola ambony noho io aza ny tena zava-misy, ny tahan’ny mahantra 80,2% ambony indrindra tao anatin’ny 60 taona, ny laharana eo amin’ny fivoaran’ny maha olona na IDH faha-171 amin’ny firenena 191 ,… Sarotra ny hisy fahagagana ato anatin’ny herintaona farany, ny fampanantenana no hipoapoaka fa raha ny fomba fiasa efa fantatra hatry ny ela. Tsy hisy mpiara-miombon’antoka hidi-kizo lalina ao anatin’ny tsy fahamarinan-toeran’ny firenena, aorian’ny fividianana vao mety hisy tsirim-panantenana. Tsy ny pejy no mila avadika, fa ny boky mihitsy no mila soloina.
Toky R
 

Dans la même rubrique

Card image cap
Eliace Ralaiarimanana “Hadio Antananarivo manomboka eto”
25-nov-2022

Nihaona tamin’ny ben’ny tanànan’Antananarivo, Naina Andriatsitohaina, aho anio (TTF: omaly), hoy ny mpanao politika Kristianina sady kandida ben’ny tanànan’Antananarivo teo aloha, Eliace Ralaiarimanana.

Card image cap
Fanjakana tia manenjika sy managadra Manivana moka fa mitelina rameva, tojo ny taolana…
25-nov-2022

Nanakoako ny fanambaran’ireo firenen-dehibe sy vondrona iraisam-pirenena omaly naneho fa manohana ny vahoaka Malagasy sy ny governemanta ary ny fiarahamonim-pirenena amin'ny ady amin'ny kolikoly,

Card image cap
Alain Andriamiseza “Rehefa mitarika fanorenana ifotony dia namanay”
24-nov-2022

Hiroso amin’ny fikaonandoham-pirenena izahay na iza vonona na iza tsy vonona, hoy ny mpanao politika, Alain Andriamiseza. Na iza hanao na iza tsy hanao, hoy izy.

Card image cap
Fikaonandoham-pirenena Raisina ao Antaninarenina rahampitso ireo volavolan-kevitra
24-nov-2022

Ho tohin’ny fanambarana ny 31 oktobra 2022 tao Bel’air sy ny tao amin’ny Soimanga Manakambahiny ny 14

Card image cap
Toe-draharaha politika mafana Tonga manao fakan-kevitra eto ny SADC
24-nov-2022

Manatanteraka iraka eto Madagasikara ny iraky ny Vondrona SADC nanomboka omaly 23 novambra hatramin’ny 28 novambra ho avy izao. Isan’ny heverina ho lehibe ao anatin’io ny resaka politika sy ny toe-draharaha mialohan’ny fifidianana.

Card image cap
Tsy azo atao ankamehana ny fifidianana “Mbola tsy mifampatoky isika malagasy
24-nov-2022

Nampahafantarina omaly tetsy amin’ny Le Pavé Antaninarenina ny fitsanganan’ny Hetsika iombonana ho fanarenana sy fanorenana ifotony an’I Madagasikara na H.I.F.F.I.M.

Voir plus