tia tanindrazana

Parution du Jeudi, 30 Juin 2022

airtel

Politique

Fitondrana tsy misy hatokona Mety aminy kokoa ny manaja tena

Herintaona sy tapany sisa hananan’ny Fitondrana Rajoelina hanatanterahany ny veliranony, hanentsenana ny lavaky ny tsy fahaiza-mitantana. Ho sarotra izany, raha tarafina amin’ny fomba fiasa hatramin’izay.

20-mai-2022

Sample post image

Manapitra fe-potoam-piasana sy manaja tena angamba sisa vahaolana fa raha izao hafainganam-pandeha izao tsy misy antenaina intsony. Lesoka ny hoenti-manana, lesoka ny fananana olona sy hevitra,… Marefo ara-politika, malemy ara-diplaomasia, votsa ara-pomba fiasa fa lasan-ko vavany fotsiny Fanjakana. Manaporofo izany ilay hoe: vao ny volana febroary lasa teo no nikaroka manam-pahaisana na “consultant” handrindra sy handamina ny laharam-pahamehana ao anatin’ny PEM (Plan pour l’Emergence de Madagascar), ary handresy lahatra ny mpamatsy vola. Olan’ny vatsim-pianarana sy karaman’ny mpandraharaha ary ny fitakian’ny mpampianatra, olan’ny orinasa mpanamboatra làlana, mpiasan’ny fahasalamana,… aza gidragidra hatrany vao voavaha kanefa misy aza mbola vaovaha. Amin’ny fomba ahoana no hananana fanantenana intsony an’izao fitondrana izao raha zavatra azo heverina ho madinidinika aza manahirana mainka fa zavatra goavana. Efa vonona sy feno ve ny vola hanaovana ny Tanamasoandro izay nambara fa handray ny lalao olaimpika 2023? Mba aiza ho aiza ilay hoe: fantsona fitarihan-drano lehibe indrindra any Atsimo noresahina ny aogositra 2020? Firy isan-jaton’ny 3 miliara dolara hanamboarana ny lalàm-be migodana na “Autoroute” Antananarivo Toamasina no efa vonona? Namokatra firy litatra izay ny orinasa mpamokatra ethanol any Ambilobe nolazaina fa hotokanana ny 08 desambra 2019? Ary efa tonga ve ilay solosaina isam-pokontany nolazaina sy nampanantenaina tamin’ny 08 aprily 2020? Firy isan-jaton’ny tanora any Alaotra no nahazo tany 1ha avy? Fampanantenana poakaty no betsaka kanefa mbola mirarakopana sy hirarakopana ny hafa. Sao mba tokony hampidirina amin’ny lalàm-pifidianana ihany koa ny hoe: inona ny sazy na fepetra raisina amin’ny mpanao politika mamahan-dalitra vahoaka fotsiny amin’ny propagandy fa rehefa tonga eo tsy hita izay tena ataony ?
Toky R
 

 

Dans la même rubrique

Card image cap
Christine Razanamahasoa “Mialà ny mpitantana rehefa tsy mahavaha delestazy”
30-juin-2022

Ankoatra ny fandokafana nataon’ny ankamaroan’ny depiote mpomba ny fitondrana ary ny kiana mivaivay nataon’ireo depiote avy amin’ny antoko mpanohitra,

Card image cap
Antoko TIM feno 20 taona Miomana haka fahefana indray…
30-juin-2022

Miditra ao anatin’ny kihon-dàlana politika vaovao ny antoko Tiako i Madagasikara na ny TIM, izay mankalaza ny faha-20 taona nijoroany manomboka anio 30 jona 2022.

Card image cap
Tsenam-panjakana 146 tapitrisa Ar Misy mitory ny depiote Tsiliva
30-juin-2022

Notorian’Atoa Maharesy Roi Francis Ben’ny tanànan’Ankavandra teo aloha tompon’ny orinasa ETS AR Business any amin’ny Sampana fitarainana eo na “bureau de doléance” eo anivon’ny Fiadidian’ny Repoblika ny Depiote

Card image cap
Antoko politika Teza “Tokony higadra ingahy Andry Rajoelina”
30-juin-2022

Araky ny lalampanorenana, ny governemanta sy ny parlemantera, ny fifandraisany, indrindra, ny fanaovana lalana, dia ny parlemantera manara-maso ny mpanatanteraka, hoy ny antoko politika Teza.

Card image cap
Fanjakana tsy mahavaha olana “Fampalazana tena sy fampanantenana sisa no atao”
29-juin-2022

Fampalazana tena na « populisme » no mbola hanarontsaronana ny tena zava-misy iainan’ny vahoaka no tena ataon’ny Fitondrana Rajoelina ankehitriny.

Card image cap
Tsy hampandroso na afaka 100 taona aza… 51 miliara Ar isan-taona ho an’ny kaominina 1695
29-juin-2022

Mbola mila ezaka goavana ny resaka fitsinjaram-pahefana sy fitsinjarana ara-bola mba hoenti-mampiodina sy mampandroso ny firenena,

Voir plus