tia tanindrazana

Parution du Vendredi, 20 Mai 2022

airtel

Politique

Fokontany sasany eto Antananarivo Rahonana tsy hahazo tombotsoa izay tsy miditra TGV ?

Mandeha ny fikafika sy ny kajikajy politika. Toa karazan’ny efa ketrika avo lenta mandeha any amin’ny kajikajim-pifidianana.

25-août-2021

Sample post image

 “Tsy haiko izy io na manerana an’Antananarivo manontolo eny na eran’i Madagasikara mihitsy fa ny aty amin’ny boriborintany faharoa dia mitety trano manentana ny olona hiditra anaty TGV io, fa raha tsy izany hono dia tsy mahazo zavatra izay tsy manana “badge” rehefa misy zavatra zaraina, dia roboka tokoa ny olona manatitra sary tapaka sy “photocopie”. May ny olona satria noana dia manao tokoa. Tena marina io Fokontany 3 manodidina anay izao no fantatro fa efa manao daholo ary mahazo olona tokoa”, hoy ny loharanom-baovao sady fijoroana vavolombelona iray. Asa aloha izay mety ho valin-kafatra na fandisoana avy amin’ny TGV, fa izay no ambaran’ny eny ifotony. Efa endrika iray nisehoan’ny mitovitovy amin’izany ny tany Tsiroamandidy namoriana ny mpampianatra iray volana lasa teo izay ka nananganana ny hoe: TGV Fanabeazana. Lazaina fa olom-pirenena manana ny safidiny, saingy mety misy ny matahotra ho tratry ny kakay, ka dia manarak’efa eny. Tombanana ho efa tafiditra ao anatin’ny kajikajy hiatrehana ny fifidianana manaraka, fanerena ankolaka ny olona hiditra anaty antonkon’ny fitondrana. Mety ho efa fanomanana lisi-pifidianana na kajy politika avo lenta ankolaka ihany koa aza,… Ny tena mahonena dia ny fanararaotana ny vahoaka amin’ny fahasahiranany, ary hita taratra hatrany eto amintsika ny “manipulation de masse” na filalaovana saim-bahoaka. Toa mamorona olona na miseho ny olana amin’ny tsy fahaiza-mitantana, dia avy eo mitondra vahaolana tsy mankaiza mba hoderaina ho toy ny Mesia hanavotra. Rehefa maty noana na maty voky ny vahoaka, dia mora ny mitarika sy manery azy mivantana na ankolaka amin’izay hitiavana azy, ka ny eto aloha izao dia maty noana no miseho. Tena atao tahaka ilay fanandramana tamin’ny akoho nataon’i Adolph Hitler ny olona hoe: nosamborina sy nongotana ny volony, ary nivoa-drà, fa rehefa homena katsaka kely dia iny manatona ihany.
Toky R
 

Dans la même rubrique

Card image cap
Politika Ataon-dRavalo manonofy ratsy ny mpitondra
20-mai-2022

Manahiran-tsaina tanteraka sy tena mampanofy ratsy ny Fanjakana ankehitriny Atoa Marc Ravalomanana, izay atahorana mafy ara-politika. Arakaraka ny hihetraketrahana azy no toa vao mainka mampahazo vahana azy.

Card image cap
Fiainam-pirenena Mampiahiahy ny fahanginan’ny Praiminisitra
20-mai-2022

Mangingina tsy re feo firy indray ny Praiminisitra Lehiben’ny governemanta Ntsay Christian. Tsy dia hita tabilao firy, ary efa matetika io.

Card image cap
Gazety boky Demokrasia laharana faha 13 “Nihemotra ny demokrasia eto Madagasikara”
20-mai-2022

Nivoaka omaly ny gazety boky Demokrasia laharana faha 13 izay famoakan’ny filankevitra ambony momba ny fiarovana ny demokrasia sy tany tan-dalana na HCDDED isan-telo volana.

Card image cap
HCDDED “Zavatra tsy ampoizina no maharava fitondrana”
20-mai-2022

Isany voaresaka ato amin’ny laharana faha 13 amin’ny gazety boky Demokrasia izay navoakanay, hoy ny filankevitra ambony momba ny fiarovana ny demokrasia sy ny fanjakana tan-dalana na HCDDED tetsy amin’ny biraon’izy ireo

Card image cap
Fikambanana Tambohobe “Aoka samy hitandrina fa mandady ny trambo”
20-mai-2022

Mampahatsiahy ny 20 taona dia ny 2002 izay fotoana nampamaivay ny raharaham-pirenena teto amin’ny tany sy ny fanjakana ankehitriny, hoy ny filoha mpanorina ny fikambanana Tambohobe,

Card image cap
Fitondrana tsy misy hatokona Mety aminy kokoa ny manaja tena
20-mai-2022

Herintaona sy tapany sisa hananan’ny Fitondrana Rajoelina hanatanterahany ny veliranony, hanentsenana ny lavaky ny tsy fahaiza-mitantana. Ho sarotra izany, raha tarafina amin’ny fomba fiasa hatramin’izay.

Voir plus