Politique

 Tsy mivaha mihitsy ny olana satria tsy ny olona no olana fa tsy tafita amin’ireo minisitra ny iraka tian’ny ao amboniny hampanaovina azy, hoy ny filohan’izy ireo, Jocelyn Rabenilalana. Misy minisitra koa manana tetibola dia misy tsy manana. Mila manova paikady mihitsy ny mpitondra fa na hisolo indray aza ireo afaka 6 volana tsy hiova. Tsy hisy minisitra tsy te hanao ezaka izany fa ilay laharam-pahamehana tsy hitan’izao fitondrana izao no tena olana. Nisy iny hahamehana ara-pahasalamana iny nandalo dia tokony hanova ny laharam-pahamehana ho any amin’ny sosialim-bahoaka manontolo izany izao governemanta izao ary hamerina amin’ny laoniny ireo orinasa mitady ho banky ropotra. Milamina ny sosialy dia milamina isika fa raha tsy milamina io dia mety ho sahirana ity fitondrana ity, hoy hatrany ny GTM.
J. Mirija