tia tanindrazana

Parution du Mercredi, 10 Août 2022

airtel

Politique

Hanitra Razafimanantsoa “Maro ny SEG nisolelaka sy nanao politika fa aiza izao ?”

Niteraka adihevitra goavana ny fanehoan-kevitry ny Sekreteram-panjakana miadidy ny zandarimariam-pirenena (SEG) Jeneraly Gellé Serge izay toa miantefa amin’ny mpanohitra amin’ny hetsika politika samihafa mety hitranga.

14-janv-2022

Sample post image

 Maro no maneho fa tafajoboka any anaty politika ny SEG. “SEG a ! Naninona no niova “language” tampoka teo? Fitahian'Andriamanitra ny nahavelona anao tamin'iny “crash”n’ny angidim-by iny. Efa nisy ministra sy SEG nisolelaka sy nandika lalàmpanorenana, nanao politika sy tsy nanaja ny « neutralité politique de l'administration et des forces armées » teo an ! Fa aiza zareo izao? Mandalo io fahefana io anie”, hoy Depiote TIM Hanitra Razafimanantsoa tao amin’ny tambajotran-tseraserany. Raha hiverenana moa dia naneho ny SEG fa “Ity 2022 ity sy ny 2023 manaraka eo dia tokony hilamina isika. Mbola ho avy ny fanambarana izay hataonay telo mirahalahy, fa atsidiko sahady fa lalàna io, ny didim-pitondrana 63/253 tamin’ny 09 may 1963 izay mamaritra ny fiarovana ny olombelona sy ny fananany. Na iza na iza, na zovy na zovy tsy mamela ny rafitra demokratika hiasa, dia sokajiana ho toy ny favalom-pirenena. Mety misy fotoana fandeferana, misy fananarana, fa misy fotoana ny zava-drehetra. Izaho manokana no miteny izao, tsy misy korontana izany intsony, ary tsy hisy hanaiky an’izany fa avelao hiasa ny fitondram-panjakana, an’ny rehetra io fitondrana na ny nifidy azy na ny tsy nifidy azy, dia miandry “tour”, hokorontaninao foana dia tsy hahavita ny asany dia avy eo omenao tsiny. Hialao ny fitenenana rehefa tsy anao ny fitenenana hoe: herim-pmoretana ny mpitandro ny filaminana rehefa tsy eo amin’ny fitondrana ianao, fa izahay dia izahay foana”, hoy ity jeneraly izay vao niakatra galona ity. Ny mpanohitra moa etsy ankilany, dia milaza fa hijoro sy hanamafy ny hetsika sy ny fitsikerana ny tsy mety amin’ity 2022 ity, saingy ho avy masiaka izany ny SEG. Ny SEG dia marihina fa mbola ambany fahefan’ny Minisitry ny fiarovam-pirenena (MDN) ka inona tokoa moa no mahamaika azy hiteny kanefa ny MDN aza tsy nandrenesam-peo ?
Toky R
 

Dans la même rubrique

Card image cap
Andry Rajoelina Jamba amin’ny fahoriam-bahoaka…
10-août-2022

Hafahafa hatrany ny politikam-pitantanana asehon’ny Fanjakana Rajoelina. Miankina amin’ny tombotsoa politika ny laharam-pahamehana,

Card image cap
Jerry Rakotoarijaona “Tsy misy mazia ny famonjena firenena”
10-août-2022

Sarotra ny miresaka amin’izao fotoana izao, hoy ny filohan’ny fikambanana Vahaolana anio sy rahampitso, Jerry Rakotoarijaona,

Card image cap
Dr Ignace Randriamamizafy “Ny krizin’ny toekarena sy sosialy no lasa rotaka politika”
10-août-2022

Diso tanteraka ny hoe: hanongam-panjakana ny mpanohitra raha mamory vahoaka etsy amin’ny Kianjan’ny Magro, ary tsy hisy Fanjakana hiongana amin’ny resaka kabary fotsiny izany satria maneho ny heviny sy ny fahitany ny

Card image cap
Vovonan’ny tanora mpitolona tia tanindrazana “Hafahafa ny fanambaran’ny GEN”
10-août-2022

Ny vovonan’ny tanora mpitolona tia tanindrazana na JPRM dia tena manara-baovao ary mijery sy miaina ny raharaham-pirenena misy eto Madagasikara, hoy ny mpikambana ao aminy, Rivellino Ravelomahazo.

Card image cap
Diplaomasia Miharendrika hatrany ny Fitondrana
10-août-2022

Mihasarotra hatrany ny toeran’ny Fitondrana Malagasy na ho an’ny politika anatiny na ny ivelany. Ny ato anatiny, ambony ambany, tsy misy politikam-pitantanana anatiny tsy mazava,

Card image cap
Fanjakana Rajoelina "Tsy mahay, tsy manaiky ho diso mihitsy..."
09-août-2022

Manana ny fahaiza-manaony sy ny nampiavaka azy ny Filoha ankehitriny Andry Rajoelina, manana ny tantaram-pahombiazana ara-piainana na “success story” izay nideran’ny maro azy izy,

Voir plus