tia tanindrazana

Parution du Mercredi, 10 Août 2022

airtel

Politique

Hentitra i Ravalomanana “Halaintsika ny fahefana ho fanavotam-pirenena”

Mino sy vonona ary tena hijoro hanavotra ny Firenena haka fahefana, io no baikom-pitolomana nomen’i Marc Ravalomanana ho an’ny mpikatroka TIM sy ny vahoaka nandritra ny fanombohana ny fankalazana ny faha-20

04-juil-2022

Sample post image

taonan’ny Antoko TIM tetsy amin’ny Magro Behoririka ny sabotsy 02 jolay teo. Tsy mihambahamba ny tenany nilaza fa latsaka an-davaka anaty fahantrana ny firenena, tsy misy vahaolana ataon’ny mpitondra ankehitriny fa andrakandrana no betsaka. “Mbola ao tsara aho, fa aza matahotra, mbola vonona tsara. Vitantsika ny manarina ny firenena ao anatin’ny fotoana fohy, aza manary toky fa mbola ho avy ny fotoana hiadana ny vahoaka Malagasy, raha mbola misy azo azoko atao ary raha mbola omen’Andriamanitra tombon’andro aho tsy hamelako fa tsy maintsy havotantsika ny vahoaka Malagasy”, hoy ny Filoha teo aloha. Niantso famondronan-kery avy amin’ny ankolafin-kery rehetra ity filoha teo aloha ity, naneho fa efa nifampiresaka na tamin’ireo teto an-toerana na ny any ivelany. Tonga miaraka no fanombohana, fa hiasa hiaraka satria tena mijaly, mangifiry ny vahoaka Malagasy, ka ilaina vonjena ireo, hoy izy, izay naneho fa ampandeferina ny tsy fitoviana. “Mafy noho izao ny tamin'ny 2002 satria sady nanana fahefana, nanana fitaovana fa tsy misy maharesy vahoaka...”, hoy hatrany i Marc Ravalomanana. “Manana ny finoantsika, ity no kianjan’ny finoana, teo no niantsoanareo ahy hoe: miverena dada, ka ny finoanareo no nahatonga ahy niverina fa tsy nisy nitondra teto aho. Rehefa hanao zavatra isika tsy misy hahasakana antsika eo”, hoy izy nanome toky. “Vonona Aho ary manana vahaolana. Tsy maintsy atao izay hahazoana ny fahefana miainga any amin'ny fokontany. Hitanay ny hamahana ny olana rehefa tonga eo amin'ny fahefana, anananay ny traikefa, hoy ny Filoha teo aloha izay nampahatsiahy ny hoe: nialohan’ny nanaovako politika dia efa hainy ny nitantana, nitarika, nanangana (management, leadearship, innovation). Notsiahiviny fa na ny fianakaviany aza tsy nanaiky ny hanaovany politika, saingy ny hanavotra ny vahoaka no nambarany fa tanjony. Tonga teto ary niara-niasa tamiko ny Filohan’ny Banky Iraisam-pirenena miisa telo, nofafana ny trosan’i Madagasikara nahatratra 5 miliara dolara. Tena manavotra vahoaka ny politika satria ny 92% amin’ny Malagasy niditra an-tsekoly. Olana be ny ara-tsakafo, kanefa tsy tao an-tsaiko izany hanafatra vary izany satria izaho zanaka tantsaha, ka natao izay hampiroborobo ny fambolena napetraka ho “à vocation agricole” i Madagasikara. Napetraka ny “vitrine de Madagascar”, nasiana fifaninana ka 12 taonina isaky ny hekitara ny voka-bary, kanefa ankehitriny ny tantsaha tsy misy mpijery. Haverintsika izany, hoy i Marc Ravalomanana nanome toky. Nilaza ity Filoha teo aloha ity, fa rehefa tena mahay miresaka sy manazava ary mahay mametraka ny fanjakana tsara tantana, tsy ampahafirin’ny vola mipirina any amin’ny mpamatsy vola sy ny firenena matanjaka ny vola ilaintsika.

Nosakanana sy norahonana tsy handray ny fankalazana ny faha-20 taonan'ny TIM ireo hotely lehibe eto Antananarivo. Lany andro manenjika anay ianareo, fa izahay tsy hijanona mihitsy. Vitan-dry zalahy ny nandefa ahy tany am-pita, nalefa tany Diego, sakantsakanana,... fa mbola inty aho eto. Zava-dehibe sy traikefa izany 20 taona izany, nahavita izahay, ary hanananay ny fahaiza-manao. Mino, sahy, ary hijoro izahay", hoy i Marc Ravalomanana.
Toky R
 

Dans la même rubrique

Card image cap
Andry Rajoelina Jamba amin’ny fahoriam-bahoaka…
10-août-2022

Hafahafa hatrany ny politikam-pitantanana asehon’ny Fanjakana Rajoelina. Miankina amin’ny tombotsoa politika ny laharam-pahamehana,

Card image cap
Jerry Rakotoarijaona “Tsy misy mazia ny famonjena firenena”
10-août-2022

Sarotra ny miresaka amin’izao fotoana izao, hoy ny filohan’ny fikambanana Vahaolana anio sy rahampitso, Jerry Rakotoarijaona,

Card image cap
Dr Ignace Randriamamizafy “Ny krizin’ny toekarena sy sosialy no lasa rotaka politika”
10-août-2022

Diso tanteraka ny hoe: hanongam-panjakana ny mpanohitra raha mamory vahoaka etsy amin’ny Kianjan’ny Magro, ary tsy hisy Fanjakana hiongana amin’ny resaka kabary fotsiny izany satria maneho ny heviny sy ny fahitany ny

Card image cap
Vovonan’ny tanora mpitolona tia tanindrazana “Hafahafa ny fanambaran’ny GEN”
10-août-2022

Ny vovonan’ny tanora mpitolona tia tanindrazana na JPRM dia tena manara-baovao ary mijery sy miaina ny raharaham-pirenena misy eto Madagasikara, hoy ny mpikambana ao aminy, Rivellino Ravelomahazo.

Card image cap
Diplaomasia Miharendrika hatrany ny Fitondrana
10-août-2022

Mihasarotra hatrany ny toeran’ny Fitondrana Malagasy na ho an’ny politika anatiny na ny ivelany. Ny ato anatiny, ambony ambany, tsy misy politikam-pitantanana anatiny tsy mazava,

Card image cap
Fanjakana Rajoelina "Tsy mahay, tsy manaiky ho diso mihitsy..."
09-août-2022

Manana ny fahaiza-manaony sy ny nampiavaka azy ny Filoha ankehitriny Andry Rajoelina, manana ny tantaram-pahombiazana ara-piainana na “success story” izay nideran’ny maro azy izy,

Voir plus