tia tanindrazana

Parution du Mardi, 7 Décembre 2021

airtel

Politique

Hetsika goavana tany Toliara Nampiseho ny heriny i Siteny

Lanonambe goavana no nandraisana an’i Siteny Randrianasoloniaiko tao Toliara omaly, taorian’ny fahalaniany ho Filohan’ny UAJ (Union Africaine de Judo) sady Filoha lefitra ny Federasionina iraisam-pirenena amin’io taranja io.

08-juil-2021

Sample post image

Toa naneho ny tanjaka ananan’i Siteny amin’ny lafiny maro:fanatanjahantena, politika,… Vory lanona i Toliara ka ankoatra ny fanafanana nataon’ny mpanakanto maro toa an-dry Jerry Marcoss, Stéphanie, Mamy Gotso,… dia maro ireo manam-pahefana nanome voninahitra ny fotoana, toy ny Filohan’ny antenimieram-pirenena Christine Razanamahasoa, Misitry ny fanatanjahantena Tinoka Roberto, Filoha Lefitry ny Antenimierandoholona Nicolas Rabemananjara, Filohan’ny CAF teo aloha Ahmad Ahmad, Lehiben’ny Faritra Atsimo Andrefana, Depiote maro: Jean Jacques Rabenirina, Idealson, Marco Tsaradia, Milavonjy Philobert, Roland Ratsiraka,… Pr Raymond Ranjeva mivady, Pr Alain Tehindrazanarivelo,… “8 volana no nandehanako nivezivezy tany Afrika. Solombavambahoaka voafidy teto Toliara, ary tsy hanao kabary politika androany, fa lanonana noho ny fahalaniako no hatao”, hoy izy. Nankasitraka ireo rehetra nanohana azy toy ny Minisitry ny fanatanjahantena Tinoka Roberto, ny Filoha Lefitry ny antenimierandoholona Nicolas Rabemananjara I Siteny Randrianasoloniaiko. Nitsiahiviny ny “Mouvement sportif”, izay isan’ny nahalany azy ho Filohan’ny Federasionin’ny judo, ka isan’ny nanetsika izany ary nitaiza azy tamin’ny fanatanjahantena i Ahmad Ahmad. Manana “coach” na mpanazatra ara-politika, dia i Monja Roindefo, Roland Ratsiraka, ny Pr Alain Tehindrazanarivelo, izay mpiaro azy aty Afrika,… Raha manana “patron” aho, dia ny “patron” lehibe indrindra atahorako eto ambonin’ny tany dia ianareo vahoakan’i Toliara. Ny hampitombo ny saran’ny jirama manerana an’i Madagasikara. Amin’ity volana jolay ity, dia nametraka fanamby niaraka tamin’ny fitondram-panjakana dia ny fitovian’ny vidin-jiro manerana an’i Madagasikara, ary izay ihany no nangatahiko”, hoy i Siteny. Namaranany ny teniny hoe: “Reharehan’i Madagasikara ny fandresentsika”. “Rehareha fa ny zanak’ity Nosy ity no filohan’ny rafitra aty Afrika sy maneran-tany”, hoy kosa ny Pr Raymond Ranjeva.
Toky R
 

Dans la même rubrique

Card image cap
Imerintsiatosika Misy olana indray ny tetikasa Tanamasoandro
07-déc-2021

Raikitra ny filanjana sora-baventy omaly tao Imerintsiatosika nentin’ny vahoaka manohitra ny fakana ny tanin’izy ireo hanaovana ny tetikasa Tanamasoandro.

Card image cap
Me Olala – Raharaha Apollo 21 “Manahy izahay fa tsy hivoaka ny fahamarinana”
07-déc-2021

Ora 5 sy sasany teo no lany namakiana ny fiampangana ireo voapanga tao anatin’ny raharaha Apollo 21 na ny fikasana hamono ny filoham-pirenena tetsy amin’ny lapan’ny fitsarana Anosy omaly.

Card image cap
Fitsarana Tampony Nomen’ny Filoha Fiara 4x4 miisa 8
07-déc-2021

Notolorana fiara tsy mataho-dàlana raitra dia raitra miisa 8 ny Fitsarana Tampony. Notontosaina teny Anosy anosy omaly ny lanonana ofisialy nanolorana izany ho an’ity andrim-panjakana ity.

Card image cap
Raharaha Mbola Rajaonah Nisy vavolombelona tsy hita, nahemotra ny fitsarana
07-déc-2021

Niakatra fitsarana tetsy amin’ny PAC (Pôle Anti-Corruption) 67 ha omaly 06 desambra i Mbola Rajaonah, mpandraharaha nanana ny maha izy azy,

Card image cap
Andry Rajoelina Mampiasa fahefam-panjakana manao propagandy
07-déc-2021

Miharihary ary tsy takona hafenina, fa efa mangala-dia manao fampielezan-kevitra mialohan’ny fotoana ny Filoha ankehitriny Andry Rajoelina sy ny ekipany.

Card image cap
Efa nampoizina Ilay notendren’ny Filoha no lasa Filohan’ny CENI
07-déc-2021

Nivoaka ofisialy omaly alatsinainy 06 desambra 2021 ny firafitry ny Birao maharitry ny Vaomieram-pirenena misahana ny fifidianana na ny CENI,

Voir plus