Naneho hevitra tsy an-kitsitsy nanehoana mahitsy ny fitakiana ny hialan’ny Fanjakana ankehitriny amin’ny toerany noho ny antony maro. Afaka nanao izany an-kahalalahana na ny tany Frantsa na tatsy La Réunion, fa tsy nisy lakromozenina toy ny fahita eto. Tao amin’ny Place de l’Independance tao Paris no nanaovana izany ho an’ny tany Frantsa, izay nisiana fitondrana sora-baventy sy fiventesana hiram-pitolomana. Nivoitra tamin’izany na tao Frantsa na tany La Réunion ny hoe : « Miala Rajoelina », « Miala ny jadona », « gouvernement dictateur »,… Ny fialan’i Andry Rajoelina sy fananganana Repoblika faha-5 no vahaolana hamonjena ny firenena, raha ny hevitray Malagasy mpitolona eto amin’ny Nosy La Réunion izay nanao hetsika Miara-manonja ny sabotsy 17 jolay tao St-Pierre, araka ny fanambaran’izy ireo. Ao anatin’io Repoblika vaovao io no anaovana : fanomezan-danja sy fahefana ny Fokonolona, HCC tsy mitanila, Fanoratana « Code électoral » na lalà mifehy ny fifidianana vaovao, mametra ny fandaniam-bola amin’ny fampielezan-kevitra (plafonnement des dépenses de campagne électorale), Fanadiovana ny lisi-pifidianana tsy hisy doublon intsony, ny fitsarana ireo mpanongam-panjakana sy mpangala-bato rehetra ary mpanodikodina volam-panjakana rehetra sy fanaovana "gel des avoirs" azy ireo mba tsy afahany mividy olona indray. Eo ihany koa ny fifidianana eny anivon’ny Fokontany mialoha ny fifidianana Mpitondra firenena vaovao.
Toky R
Hanao rodorodo any Toamasina hiatrika ny filankevitry ny minisitra mitety faritra anio
Efa niteny ny antoko politika Teza fa tsy handray anjara amin’io fifidianana io satria ho haingon-tsehatra
Mitohy ny fanapahan-kevitra hafahafa ao amin'ny Antenimierampirenena Tsimbazaza taorian'ny nanonganan'ny IRD
Anio 16 aprily 2024 no hamoahan’ny Fitsarana avo momba ny lalàmpanorenana na
Isan’ireo antoko nanapa-kevitra handray anjara amin’ny fifidianana ny antoko politika Otrikafo
Mbola misy ny antsojay amin’ireo tsy ao anatin’ny antoko politika miaraka amin’ny fitondrana