Fifanandrinana politika eo amina firehana miisa 2 no tena nibahana ny tontolo politika teto Madagasikara. Teo an-tsefatsefan’izay rehetra izay anefa dia tsy nisy tranga nisongadina ankoatry ny fitotonganan’ny fiainam-pirenena. Nandeha ny tetezamita nanomboka ny taona 2009 hatramin’ny 2013. Fiaraha-mitantana no tena nifampitadiavana. Tontosa iny saingy tsy nety nivaha ny krizy. Samy nanana ny kandidany indray ireo mpifanandrina politika miisa 2 nibahana izay 12 taona izay ireo nandritry ny fifidianana filoham-pirenena 2013 rehefa tsy navelan’ny sehatra iraisampirenena, mba tsy hilazana hoe “mpanao ampihimamba iraisam-pirenena” hisy hilatsaka. Lany ny kandida notohanan’ilay nosokajian’izy ireo ho mpanongam-panjakana ary niaraha-nahita ny zava-nisy fa tsy tena nisy fampandrosoam-pirenena tena nivaingana fa famahana ny krizy sy fampandehanan-draharaham-panjakana ankapobeny hatrany no azo nanakonana ny tsy fahafaha-mihetsika. 2 taona sy andro vitsivitsy indray izao no nahazoan’ilay efa avy nosokajian’ilay dradradradraina ho fianakaviambe iraisampirenena ho “mpanongam-panjakana” ny fahefana izay nambaran’izy ireo fa tamin’ny fomba demokratika sy ara-dalana. Vokany, faharoa amin’ny firenena ambaran’izy ireo fa mahantra indrindra isika. Ilay fitondram-panjakana mijoro eto koa mahagaga fa milaza ho mizotra amin’ny fahombiazana hatrany na dia efa mampikaikaika ny vahoakany avokoa aza ny zava-misy rehetra. Toekarena, fanabeazana, kolontsaina sy ny maro hafa, indrindra, ny sosialy, samy marary ! Vao miha marary avo roa heny fara fahakeliny noho ny tany aloha rehetra tany.
J. Mirija
Miala any sahady ny lalao maloto ho an’ny fifidianana Solombavambahoaka tanterahina ao anatin’ny distrikan’Avaradrano.
Etsy amin’ny La Rotonde Besarety amin’ity tolakandro ity no hifamotoana ireo mpahailalàna,
Nafana ny fihetsiketsehana nataon’ny mpitondra notarihin’ny Filoham-pirenena tany
Nidina ifotony teny Talatan’i Volonondry sy Ambolo ny kandidan’ny Kolekitifa an’ny