Politique

 Aprily 2021 no nanomboka nisy ny fanaraha-maso teny anivon’ny foloalindahy taorian’ny tranga famonoana ny filoha Idriss Deby tany Tchad. Zandary sy miaramila am-perinasa rahateo ny 12 amin’ireo voarohirohy ho nikasa hamono ny Filoha ho an’ny teto amintsika. Matoa misy ny trangan-javatra toa izao dia efa misy ny lonilony, tsy fahafaliana , tsy fahafaham-po any amin’ny filoalindahy, tsy misy hoe zavatra mipoitra tampoka hoe hanao fihetsiketsehana izany fotsiny, hoy io Jeneraly misotro ronono sady efa minisitry ny fiarovam-pirenena teo aloha io. Fa. Na dia miezaka aza ny fitondram-panjakana hamaly ny filana dia misy ihany ny mety tsy fahafaliana ka tokony hanontaniana ireo olona tsy faly, hoy ity manamboninahitra ity. Mety olona ivelan’ny tafika ihany koa no mikitikitika, ary mety ho hery avy any ivelany mihitsy. Tsy fomba fisainan’ny miaramila Malagasy ny fanonganam-panjakana, raha ara-tantara sa ve efa niova noho ny zava misy? hoy ny jeneraly Ramakavelo. Nambaran’ity manamboninahitra efa misotro ronono ity, fa tokony mba mitsara tena ny fitondram-panajakana, tokony handinin-tena ny filoha, amin’izoa zavamisy izao. Samy manana ny fomba fijeriny sy ny fieritreretany rahateo, tsy voatery hitovy na oviana na oviana ny fomba fijerin’ny mpitondra sy ny entina, raha ny fanehoan-kevitry ny Jeneraly Ramakavelo Désiré, saingy tsy maintsy karohana ny vahaolana.
Toky R