ho nanely vaovao tsy marina sy maniratsira ny Fitondram-panjakana. Hiakatra fitsarana mihitsy. Mirarakopana ny fanehoan-kevitra na ny mankasitraka na ny manohitra ny fifanoherana. Mandeha ny fanomezan-desona, toy ny nataon’ny Minisitry ny atitany Atoa Pierre Houlder ny herinandro teo, fa raran'ny lalàna mifanohitra amin'ny soatoavina Malagasy ny famingavingana ny filoha. "Efa any anaty lalàna ny fandrarana ny famingavingana andrim-panjakana sy ny famingavingana filoham-pirenena. Amin'ny maha-olombelona, araka ny fahendrena malagasy, tsy tokony atao ihany koa ny mamingavinga Ray aman-dReny. Ny Raiamandreny fanaja, araka ny soatoavina malagasy. Ny ady hevitra ve tsy maintsy tonga amin'ny famingavingana, ary mitondra antsika mankaiza izany? Miala amin'ny fahantrana ve ny Malagasy ary handroso ve ny firenena raha ifamingavinga isika?", hoy izy. Isaorana ny fampahatsiahivana sy ny famerenan-doha ataona manam-pahefana tahaka izany, ary zava-dehibe rehefa mahatsapa ny Mpitondra fa tsy mety tokoa ireny, ary miombon-kevitra 100% isika. Ilaina ny famerenan-doha! Tsara tsiahivina ihany koa anefa, ary tsy sanatria natao hivoizana ny efa hita fa tsy mety, fa kosa mila ampahatsiahivina ny tantara mba hakana lesona satria misy manao ririnin-dasa tsy tsaroana. Hita miharihary ny fanaovana vain-drahalahy tsy mba marary. Tena nanao ny mety sy nanaja ny soatoavina malagasy ve ny mpitondra ankehitriny sy ny antokony? Moa mba nandray andraikitra ve ny Fitondram-panjakana rehefa nohivahivaina, nozonina, nompaina, novetavetaina,… ireo Filoha teo aloha? Ny olon’ny MAPAR sy ny TGV no nilanja vatam-paty teny amin’ny Kianjan’ny 13 mey ny aprily 2018 hoe: “Veloma Rajao”. Mendrika hanome lesona momba ny soatoavina ve ny nanao an’ireny na mivantana na ankolaka? Nitory teny amin’ny “Cybercriminalté ny Antoko TIM tamin’ny zavatra mamoafady nilazana fa maty i Marc Ravalomanana; nisy ihany koa ilay vaovao tena tsaho nivoaka tamin’ny Facebook sy haino aman-jery mpanohana fitondrana ny aprily 2020 nilazana fa tonga ao Nosy Be ny mersenera sy ny fitaovam-piadiana nafaran-dRavalomanana,… Mba taiza ny Cybercriminalité na ny manam-pahefana mahefa tamin’ireny ?
Toky R
Etsy amin’ny La Rotonde Besarety amin’ity tolakandro ity no hifamotoana ireo mpahailalàna,
Nafana ny fihetsiketsehana nataon’ny mpitondra notarihin’ny Filoham-pirenena tany
Nidina ifotony teny Talatan’i Volonondry sy Ambolo ny kandidan’ny Kolekitifa an’ny
Mitohy hatrany ny fitsidihana sekoly eto Fianarantsoa sy ny manodidina, tanterahin'i Docteur Marie Michelle
Nolaniana ny didim-panjakana laharana faha 2024-959 manova ny andininy sasany
Tontosa omaly alakamisy 18 aprily 2024 tao amin'ny Lapan’ny Antenimierampirenena ny