tia tanindrazana

Parution du Vendredi, 25 Novembre 2022

airtel

Politique

Lalatiana Rakotondrazafy “Nitsikera mafy indray ireo mpanao facebook”

Ambilobe, ny alin’ny zoma 9 septambra 2022 dia mbola tsy nisy fifaliana tahaka izany ho an’ny vahoaka, nandeha tongotra kilaometatra maro nitsena ny filoha Rajoelina mivady,

12-sept-2022

Sample post image

hoy ny mpitondra tenin’ny governemanta, Lalatiana Andriatongarivo, tao amin’ny tambazotran-tserasera Facebook. Ny tena mahafaly azy ireo dia tsotra, hoy izy, efa tsy nino intsony izy ireo ny fahavitan’ny lalana satria efa maro loatra ny nampanantena ny fanamboarana azy, eny, nisy filoha aza avy tamin’io faritra io nandrandrain’izy ireo hamita azy tamin’ny fotoan’androny fa tsy nety vita ilay izy. Na ny filoha Rajoelina aza nampanantena koa tsy nino izy ireo raha tsy efa nanomboka mihitsy ny asa izay vao natoky hoe tena ho atao tokoa, dia tena vita tokoa. Asa mety ho azon’ny sasany amin’izay ny fetran’ity tambajotra ity. Raha izay fanaratsiana natao sy ny fanatsatsoana ity asa fanamboarana ity izay no nisy nihaino tokony tsy nisy olona na iray aza nitsena sy nanatrika ny fihaonana tamin’ny filoha Rajoelina. Raha izay fanenjehana ny fitondrana ankehitriny izay teto amin’ity tambajotra ity tao anatin’ny 4 taona latsaka izay, tokony tsy misy olona intsony tia an’ity fitondrana ity. Fa jereo ny tena zava-misy! Midina eny an-kianja fa aza mijanona ao ambadiky ny fàfana na “écran” ao fotsiny dia mba mahita sy miaina tsara ny tena zava-misy na « réalité » fa tsy mamita-tena ao. Dia tokony miova paikady amin’izay hoy aho fa ho avy anie ny 2023 e! Tena tsy niova fa nihamafy aza ny fifamatoran’ny filoha Rajoelina sy ny vahoakan’ny tapany avaratry ny Nosy. Nahita maso aho dia afaka miteny, hoy hatrany ny tenany nitsikera mafy indray ireo mpikirakira tambazotran-tserasera. Etsy ankilany, ny fanontaniana mipetraka hatrany dia ny hoe ny fitiavana na tsy fitiavana ny filoham-pirenena ankehitriny na Rakoto na Rabe ve no olana sa ny fahasahiranana mianjady amin’ny sarambabem-bahoaka ankehitriny izay nahitan’ny sehatra iraisampirenena fa mitombo ny taham-pahantrana eto? Efa naverimberina hatrany ny hoe ataon’ny mponina inona kianja manara-penitra sy fotodrafitrasa marevaka hi-werawerana maro rehefa noana sy bokan-trosa noho ny tsy fisian’asa izy ? Hany ampy handrefesana ny fahombiazana na tsy fahombiazan’izao fitondrana izao ve ny fahavitana lalam-pirenena iray? Ny mpampaneno lakolosy anaty tambazotran-tserasera indray ve izany no ho atao fahavalo sa moa izay mitsikera ny tsy mety rehetra dia mpanohitra?
J. Mirija
 

Dans la même rubrique

Card image cap
Eliace Ralaiarimanana “Hadio Antananarivo manomboka eto”
25-nov-2022

Nihaona tamin’ny ben’ny tanànan’Antananarivo, Naina Andriatsitohaina, aho anio (TTF: omaly), hoy ny mpanao politika Kristianina sady kandida ben’ny tanànan’Antananarivo teo aloha, Eliace Ralaiarimanana.

Card image cap
Fanjakana tia manenjika sy managadra Manivana moka fa mitelina rameva, tojo ny taolana…
25-nov-2022

Nanakoako ny fanambaran’ireo firenen-dehibe sy vondrona iraisam-pirenena omaly naneho fa manohana ny vahoaka Malagasy sy ny governemanta ary ny fiarahamonim-pirenena amin'ny ady amin'ny kolikoly,

Card image cap
Alain Andriamiseza “Rehefa mitarika fanorenana ifotony dia namanay”
24-nov-2022

Hiroso amin’ny fikaonandoham-pirenena izahay na iza vonona na iza tsy vonona, hoy ny mpanao politika, Alain Andriamiseza. Na iza hanao na iza tsy hanao, hoy izy.

Card image cap
Fikaonandoham-pirenena Raisina ao Antaninarenina rahampitso ireo volavolan-kevitra
24-nov-2022

Ho tohin’ny fanambarana ny 31 oktobra 2022 tao Bel’air sy ny tao amin’ny Soimanga Manakambahiny ny 14

Card image cap
Toe-draharaha politika mafana Tonga manao fakan-kevitra eto ny SADC
24-nov-2022

Manatanteraka iraka eto Madagasikara ny iraky ny Vondrona SADC nanomboka omaly 23 novambra hatramin’ny 28 novambra ho avy izao. Isan’ny heverina ho lehibe ao anatin’io ny resaka politika sy ny toe-draharaha mialohan’ny fifidianana.

Card image cap
Tsy azo atao ankamehana ny fifidianana “Mbola tsy mifampatoky isika malagasy
24-nov-2022

Nampahafantarina omaly tetsy amin’ny Le Pavé Antaninarenina ny fitsanganan’ny Hetsika iombonana ho fanarenana sy fanorenana ifotony an’I Madagasikara na H.I.F.F.I.M.

Voir plus