Na nisy aza ny fanitsiana na ny « amendement » roa izay nentin’ny vaomieran’ny fitantanam-bola eo anivon’ity andrim-panjakana ity dia tsy nisy nolanian’ireo solombavabahoaka 84 tonga nifidy tao izany. Io fanitsiana io dia mikasika ny fanafoanana ny « garantie à l’importation » sy ny momba ny haban-tseranana na ny « droit de douanes » mahakasika ny bolabolan-tsavony na ny « bondillon », izay akora fampiasan’ny ankamaroan’ireo mpanao savony eto Madagasikara. Momba ity farany dia nanapa-kevitra ireo depiote fa ho akarina 20% ny haban-tseranana amin’io bolabolan-tsavony io raha 10% izany ankehitriny. Ny 70% ny vokatra savony eto Madagasikara dia azo avy amin’io « bondillon » io. Tsy azo ihodivirana vokatr’io fanapahan-kevitry ny depiote io ny hiakaran’ny vidin-tsavony. Raha ny vaovao dia efa nisy ny « consigne de vote » avy amin’ireo mpitondra ambony nanery ny tsy maintsy handaniana tsy misy fanovana io volavolan-dalàna momba ny tetibola 2022 io. Nandritra ny asam-baomiera dia nahatsapa ireo depiote fa ho zava-doza ny fampiakarana ny tatao-ketra amin’ny bolabolan-tsavony ho lasa 20% anatin’izao firenena vao miarin-doha taorian’ny krizy izao. Indrindra moa fa efa manomboka miverina eto amin’ny firenena indray ny Covid-19. Fepetra tsy maintsy ilaina amin’ny fiarovana amin’io areti-mandoza io mantsy ny fanasa-tanana matetika amin’ny savony.
ORINASA 12
Efa mijaly amin’ny tsy fisian’ny rano ny vahoaka madinika, mbola hiakatra indray koa ny vidin-tsavony. Azo lazaina fa resy tanteraka ny vahoaka amin’ny fiakaran’ireo entana ilaina amin’ny andavan’andro. Orinasa 12 no mampiasa ity akora ity amin’izao fotoana ary isan’ny maha marin-toerana ny vidin-tsavony ny tsy fiakaran’io haba-tseranana io. Hanao ahoana ihany koa ny ho avin’ireo orinasa ireo sy ireo mpiasa an’arivony izay manodina izany orinasa izany ? Azo heverina ve fa ho vitan’ireo orinasa mpanodina savony tsy mampiasa ny « bondillon » ny haha marin-toerana ny vidin’ny savony mba ho takatry ny maro fa indrindra ny hanome ny kalitao ilain’ny vahoaka. Ny zavatra tsapa aloha dia tsy misy fitsinjovana ny vahoaka ity volavolan-dalana ity. Ny depiote Tim moa dia tsy nifidy ary tsy nampandany io volavolan-dalàna io noho ny fahatsapana fa tsy lavorary ilay izy.
Mahatratra 11 141 miliara Ar eo moa ny volavolana tetibola hoenti-miasa sy hampiodinana ny firenena ho an’ny taona 2022. Ho an’ny antenimieram-pirenena manokana dia nisy fiakarany 25 miliara rahateo ny tetibola ho an’ny taona 2022 satria raha 54 miliara Ar zany teo aloha dia lasa 79 miliara Ar.
Toky R
Nivadika ny rasa, nanapa-kevitra ny tsy hanohana ny kandida solombavambahoaka avy amin’ny
Tsy hitondra fitoniana eto amin'ny firenena ny fifidianana kasaina hatao eto Madagasikara
Raharaha isan’ny mitana ny sain’ny maro ankehitriny ny nampidirana am-ponja an-dRtoa Ramalason Olga,
Mila averina ny hasin’ny fanabeazana eto Madagasikara, hoy ny antoko politika RCR-Tolona,
Mitohy ny fanamboarana ireo làlana mampitaraina ny vahoaka ao Ambohimanarina.
Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,