Politique

minisitry ny rano Ladislas Adrien Rakotondrazaka fony niasa tany amin’ny BAD, minisitra Edgard Razafindravahy tamin’ny raharaha ara-barotra tany Maorisy Minisitry ny paositra Tahina Razafindramalo voalaza fa tanora TIM teo aloha, ny minisitry ny harena an-kibon’ny tany Brice Randrianasolo izay niafara tamin’ny fametraham-pialana,… Tamin’ity herinandro tsy nisy andro iray ka tsy nisy dosie nivoaka, hoy ny mpakamakafaka politika Mahery Lanto Manandafy omaly hariva tao amin’ny Fahitalavitra Real TV Madagascar. “Tsy lavitra, tsy ny mpanohitra no nanao an’ireo fa avy ao anatiny ao. Izaho mieritreritra hoe: “force” avy ao anatin’ny fitondrana ihany io zavatra io, satria misy “frustrés” be dia be na ny ataontsika hoe any amin’ny depiote, na amin’ny bases TGV, CS ANR, PRO ANR,… satria tsy tafapetraka ny azy. Misy henoko tany ho any depiote izay akaiky ny mpitondra, niresaka tamin’I Fleury Rakotomalala hamoaka ireo dosie ireo, misy ihany koa mpanao gazety mirona makany amin’ny mpanohitra karamaina ihany koa hamoaka ireo dosie ireo. Misy “manipulation d’opinion” tena goavana be ao anatin’izao », hoy i Mahery Lanto Manandafy. Nilaza izy fa mbola tsy nipetraka akory io governemanta io, dia efa niteny fa hifanenjana be ny hery. “Mety tsy dia hateza ity satria be loatra ireo hery misy ao anatiny ihany miady. Ao anatin’ny fisasahan’ny fe-potoana iasana, kanefa ilay fahefana tsy mizara, ka asa fa eo isika mahita azy, arakaraka ny zava-misy », hoy I Mahery Lanto Manandafy. Nambarany ihany koa fa vao manomboka io, ary mbola tsy mivoaka daholo ny dosie rehetra, betsaka izay lasa izay, tsy maintsy mbola hisy dosie hivoaka. Isan’ny mbola tsy nivoaka izao ny an’ny Minisitra Paubert Mahatante, fa efa mikarokaroka any daholo izy ireo. Ireo olona vaovao tonga ao anatin’ny governemanta ankoatry ny minisitry ny lalàna sy ny asa sosialy Atoa Pierre Houlder izay sarotsarotra ihany ny hikasika azy, dia ho voakasika daholo, ho voafendraka daholo, ho voaloto daholo, raha ny nambarany.
TSY MIFANARAKA AMIN’NY SAFIDIM-BAHOAKA ?
Ny “représentativité démocratique » dia ny antenimieram-pirenena, ary nametraka tolo-kevitra ny vondrona parlemantera IRD, GPR,… ka inona tamin’ireny no notanterahin’ny Filoha fa iray ihany ny avy amin’io antenimiera io dia ny Dr Raymond? hoy I Mahery Lanto Manandafy. Tsy hay intsony hoe: iza izany no manao an’ireny ?
Toky R