tia tanindrazana

Parution du Lundi, 20 Septembre 2021

airtel

Politique

Maitre Olala “Manangana ady amin’ny Katolika ny fanjakana”

Tonga taty amin’ny toeram-piasanay ety Ankadifotsy ny fianakavian’andriamatoa Paul Rafanoharana, hoy ny mpisolovava, Willy Razafinjatovo na maitre Olala.

30-juil-2021

Sample post image

 Io olona io moa no heverina fa atidoha mikotrika izao fifofoana ny ain’ny filoham-pirenena izao, hoy ny fanazavany omaly. Nanaiky ny hiaro azy moa izahay. Tsy mbola niresaka taminy sy nahita ny dosie moa izahay. Ny hany azo lazaina izany izao dia hoe izahay no miaro ofisialy azy. Faninefany miantaona amin’izao aho no niteny fa tsy mino loatra izao raharaha filazana fa misy mikasa hamono izao ny filoham-pirenena. Toy ny misy latsadatsaka, hoy aho tamin’izay fotoana izay, ny fitiavan’ny olona na “côte” an’ny filohan’ny repoblika dia mamoron-javatra toy izao. Tamin’ny tetezamita koa tadidiko tsara fa efa ratsiratsy ny toerana nisy azy tamin’izay fotoana izay dia nisy dokotera avy any Toliara nendrikendrehin’ny tany amin’ny filohan’ny tetezamita. Ny kaomisera Nakany Charlie moa no tompon’andraikitra tamin’izany fotoana izany. Nivezivezy foana tany Ambohitsirohitra io dokotera izay “Chargé de mission” an’ny minisiteran’ny jono tamin’izany. Ny farany moa dia nalefa tany amin’ny tribonaly sy nogadraina natao MD izy. Izaho moa no niaro io olona io ary ny nampalahelo dia afaka izy taorian’ny fitsarana. Komika sy manafintohina ary tsy mampino mihitsy ny niampangana io olona io hoe nilaza fa hanafatra ombiasa avy any Toliara dia handefa varatra avy any hamono ny filohan’ny tetezamita. Isaorana moa ny mpitsara tamin’izany fotoana fa angamba tsy tratrin’ny tsindry bokotra mafy be dia mba nisy fahaleovantena ihany. Milaza ankehitriny ny fitondram-panjakana, zandarimaria, polisy, ny mpanao fanadihadiana sy ny rehetra fa misy mikatsaka izany indray. Hiarahantsika mahita ny vokany izao fa mivaralila ny rehetra. Mena daholo ny tondro mikasika ny fiainam-pirenena. Eo amin’ny lafiny fitsarana dia misy ny atao hoe “présomption d’innocence” izany hoe tsy azo ambara ho meloka ny olona rehefa mbola tsy misy didy mivoaka fa tamin’ity raharaha ity kosa dia “présomption de culpabilité” na ny mifanohitra amin’izay tahaka ny amin’ny raharaha Clemence Raharinirina koa no efa misy. Mbola mandeha ny fanadihadiana dia efa lazaina ho meloka ilay olona. Maninona hatramin’ny sarin’ny Mgr Odon Razanakolona avoaka fa ireo mpitandro filaminan’ny GSIS tsy avoaka? Manangana ady amin’ny Katolika ny fanjakana Malagasy, hoy hatrany izy. ‘
J. Mirija
 

Dans la même rubrique

Card image cap
Famoriam-bahoaka Mifaninana amin-dRajoelina i Lalatiana
20-sept-2021

Toy ny ao anaty vanim-potoanan’ny propangady izany ny hetsika famoriam-bahoaka nataon’ny Filohan’ny Repoblika Andry Rajoelina sy ny Minisitry ny serasera Rtoa Lalatiana Rakotondrazafy ny faran’ny herinandro teo.

Card image cap
Lalatiana Andriatongarivo Ny nataony ihany no miverina aminy ?
20-sept-2021

Miha mamaivay amin’ny endriny rehetra ny tsikera momba ny minisitry ny serasera sy ny kolontsaina, Lalatiana Rakotondrazafy Andriatongarivo sy ny vadiny Andry Andriatongarivo,

Card image cap
Fandaharana “Tsy ho tompon-trano mihono” Angaha tsy hoe hifandimby ao ireo minisitra ?
20-sept-2021

Fandaharana iray isaky ny zoma tolakandro ny tsy ho tompon-trano mihono ao amin’ny haino aman-jerim-panjakana TVM sy RNM,

Card image cap
Fandaharana “Tsy ho tompon-trano mihono” Angaha tsy hoe hifandimby ao ireo minisitra ?
20-sept-2021

Fandaharana iray isaky ny zoma tolakandro ny tsy ho tompon-trano mihono ao amin’ny haino aman-jerim-panjakana TVM sy RNM,

Card image cap
Fandaharana “Tsy ho tompon-trano mihono” Angaha tsy hoe hifandimby ao ireo minisitra ?
20-sept-2021

Fandaharana iray isaky ny zoma tolakandro ny tsy ho tompon-trano mihono ao amin’ny haino aman-jerim-panjakana TVM sy RNM,

Card image cap
Manampahefana Malagasy Mitombo isa ireo manao teatra
20-sept-2021

Efa hatramin’ny tetezamita farany teo no nampalaza izao fitondrana izao amin’ny fanodinana saim-bahoaka na ny fanaovana “diversion”.

Voir plus