tia tanindrazana

Parution du Vendredi, 30 Juillet 2021

airtel

Politique

Marc Ravalomanana Tratry ny ramatahora manara-penitra

Avy tany Mangamila afaka kely an’i Talatan’i Volonondry hiverina aty Antananarivo no nosakanan’ny mpitandro Filaminana ny Fiara nitondra ny

07-juin-2021

Sample post image

 

 

 Filoha teo aloha Marc Ravalomanana. Nisy “herse” na ireny vy miranirany ireny teo, ary rehefa tena nojerena ny horonantsary dia tsy tena ny fiara nanokatra làlana na “ouvreuse” no tena nosakanana, fa ilay nisy an’i Marc Ravalomanana. Nivoaka daholo ny mpiambina ary niteny hoe ny Filoha teo aloha Marc Ravalomanana io. Nandeha mora ilay fiara mpisava lalana fa ilay fiara V8 taoriana nisy an’i Marc Ravalomanana no nodidin’ny zandary nilanja basy. Ireo fiara nitondra depiote 2 navelan-dry zareo handeha fa izahay no taty amin’ny farany indrindra dia nosakanany ary tena niakatra afo be amin’izay ry zareo, hoy ny mpanao gazety avy amin’ny MBS voasakana ihany koa ny fiaran’ny mpanao gazety. Raikitra ny fifampakana sary ho an’ny mpanao gazety ankilany, ary nanome baiko ny hakana sary ireo mpanao gazety sy izay rehetra tao anatin’ny fiara niaraka tamin’ny taratasin’ny fiara ihany koa ny “chef d poste”. Tonga ny tonian-dahatsoratry ny fahitalavitra MBS izay nandeha fiara manokana, vao afa-niala teo ny fiara.

 NANANA NY NAMBARANY NY ZANDARY

 Ny zandary kosa nilaza tetsy ankilany fa nisy fiara telo, notarihin'ny iray nisava lalana toy ny fiara mitondra marary na mpamonjy voina na mpitandro ny filaminana, kanefa samy mitondra takelaka fiara tsotra daholo ary ny sasany dia “vitres fumés”. Nandeha mafy izy ireo, nandika ny sakana (barrage de contrôles sanitaires et sécuritaires) ataon'ny zandary eo amin’ny sampanana Ambohimanga Rova nandeha nianavaratra. Ny hariva rehefa niverina nitodi-doha ho aty Antananarivo ireo andiana fiara ireo, dia nohamarinin'ny zandary nanao ny asany andavanandro (Police de la route) teo Talatan’i Volonondry. (….). Rehefa vita ny fisavàna, dia navela nandeha ireo. Kanjo rehefa teo amin’ny sampanan'Ambohimanga Rova indray, dia mbola tsy nanaja sy nanaraka ny laharan'ireo fiara nilahatra handalo fisavana ataon'ny zandary ireo fiara ireo, fa nisongona avy hatrany ka niteraka fitohanana sy fimenomenonana avy amin’ny mpampiasa lalana hafa, hoy ny zandary. (…). Mety hitera-doza ny fizirizirina mbola manao fisetrasetrana toy izao satria araka ny didim-panjakana laharana faha 63-253 tamin’ny 09 mey 1963, and. 121, dia afaka mampiasa ny fitaovam-piadiana eo am-pelatanany ny zandary, raha misy olona tsy mety mijanona rehefa ampitandremana mba hijanona kanefa tsy manaiky izany, hoy ny zandary.

 

Tsy vao izao no tratry ny sakantsakana sy fandrangarangana basy i Marc Ravalomanana na eny amin’ny làlam-pirenena na eny an-tranony. Savaina hatramin’ny olona miditra ny tanànany. Tena asany ve no ampanaovina ny zandary sa hetraketraka amina olona manokana? Misy ny lalàna 2013-001 nataon’ny Fanjakana tetezamita mamaritra ny zon’ireo Filoha teo aloha sy Filoham-panjakana. Homena mpiambina maharitra miisa 12 hiantsoroka ny fiambenana azy sy ny ankohonany ary ny toeram-ponenany. Manana zo hanana pasipaoro diplaomatika izy sy ny vadiny. Manana satana diplaomaty izany ny Filoham-pirenena teo aloha, raha raisina amin’io. Ny lalàmpanorenana amin’ny adininy faha-12 ihany koa dia maneho, fa ny olom-pirenena dia manana zo hivezivezy an-kalalahana, saingy ny an-dRavalo na aiza na aiza aleha toa tratry ny ramatahora hatrany. Voahaja ve ny lalàna raha jerena ny zava-misy ?

Toky R

Dans la même rubrique

Card image cap
Vaky ny Miara-manonja Miroaroa saina ny mpanohana
30-juil-2021

Nivoaka tao anatin’ny fahanginany ireo depiote miisa roa ao anatin’ny Antoko TIM omaly, dia Rtoa Hanitra Razafimanantsoa sy Fidèle Razara Pierre, izay tsy re feo firy tao anatin’ny telo herinandro teo.

Card image cap
Alain Ramaroson Miara-dalana hatrany amin’ny ambany tanàna
30-juil-2021

Miara-dia hatrany amin’ny ambany tanana Atoa Alain Ramaroson, filohan’ny antoko Masters no sady filohan’ny voamieran’ny fiarovana teo anivon’ny filan-kevitra ambonin’ny tetezamita teo aloha.

Card image cap
Maitre Olala “Manangana ady amin’ny Katolika ny fanjakana”
30-juil-2021

Tonga taty amin’ny toeram-piasanay ety Ankadifotsy ny fianakavian’andriamatoa Paul Rafanoharana, hoy ny mpisolovava, Willy Razafinjatovo na maitre Olala.

Card image cap
Mgr Odon Razanakolona Tratry ny fandotoana manara-penitra ?
30-juil-2021

Omaly tokony ho tamin’ny 9 ora sy sasany maraina no tonga teny Andohalo, toeram-piasan’ny Arsevekan’Antananarivo Mgr Odon Marie Arsène Razanakolona

Card image cap
Eliana Bezaza PSD “Avy misambotra angaha vao mitady porofo ?”
30-juil-2021

Naneho ny heviny tamin’ny alalan’ny Sekretera Nasionaliny Rtoa Eliana Bezaza ny antoko PSD, mikasika ny resaka fifofoana ny ain'ny Filoham-pirenena.

Card image cap
Miharatsy ny toe-draharaha Nijabaka tanteraka Rajoelina…
30-juil-2021

Tafiditra lalina I Andry Rajoelina ao anatin’izao toe-draharaha mafampana eto amin’ny firenena izao. Mitana ny sain’ny maro ny hoe: nisy nikasa hamono ity Filoha ankehitriny ity.

Voir plus