Manameloka tanteraka ny fampiasan-kery tamin’ireo olona tsy manan-tsiny”, hoy ny Filoha teo aloha Marc Ravalomanana omaly. Nitondra ny teny fampiononana ho an’ireo fianankaviana namoy havana sy nirary fahasalamana ho an’ireo namoy ny ainy izy, ary naneho fa hetraketraka sy famonoana mihitsy ireny. Nampahatsiahy ny tenany fa ny tafika sy ny zandary dia natao hiaro ny vahoaka sy ny fananany fa tsy ampisaina ho hery famoretana, hiaro ny manam-pahefana, ny havany, ary ny namany. “Lasa fitaovana famoretana sy fampihorohoroana sy ampiasaina amin’ny jadona, hiarovana manam-pehefana ambony, hiarovana olom-bitsy fa tsy hiarovana ny vahoaka anefa izy ireo. Tena miaina anaty krizy sy “terrorisme d’Etat” ny firenena”, hoy I Marc Ravalomanana. Momba ny fandraisana an-tànana ireo maratra ao Ikongo moa dia nambarany fa 23 ny maty raha ny voalaza an-gazety, fa raha ny reko nialohan’ny nidirako teo, dia efa 26 izao, ka isan’ny lesoka ny tsy fahampian’ny fitaovana ara-pitsaboana, hoy hatrany izy. Notsipihiny fa matoa ny olona mitaky fitsaram-bahoaka, dia tsy mahatoky mpitandro filaminana, ny fitsarana izany hoe ny rantsam-mangaikan’ny Fitondram-panjakana. Niantso ny mpitandro ny filaminana hihaino ny feon’ny fieritreretana noho izany I Marc Ravalomanana. Nanainga ny olom-pirenena mahatsiaro ho manana adidy hijoro hanohitra ny tsy rariny mianjady amin’ny mpiara-belona sy ny mpiray tanindrazana ny tenany. Mitaky fitsarana sy famaizana ireo tompon’andraikitra nanome baiko sy ny nanatanteraka iny vono olona feno habibiana iny noho izany ny Filoha teo aloha.
Toky R
Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,
Tsy misy intsony ny Fanjakana tan-dalàna ka mijoro ireo mpahay lalàna sy avara-pianarana sy ny vato
Namoaka tatitra ny depiote Rahasimanana Paul Bert na Rossy omaly,
Hanomboka ny datin’ny 08 ka hatramin’ny 27 Aprily ho avy izao ny
Tao anatin’ny hetsika fotsy aho ary mbola anatin’ny fanoherana, hoy ny kandida ho depiote,
Novorian’ny Governora Guy Ramarosandratana ireo staff-n’ny faritra Mangoro sy ny Birao politika TGV-Distrika Ambatondrazaka ny takarivan’ny 19 aprily teo.