tia tanindrazana

Parution du Vendredi, 25 Novembre 2022

airtel

Politique

Marefo sy ho rendrika ny Fitondrana Miantso fikaonandoham-pirenena ny MMM

Miova tsikelikely ny sary politika mialohan’ny fifidianana. Nanambara ny Antoko MMM (Malagasy Miara-Miainga) tarihin’Atoa Hajo Andrianainarivelo,

12-sept-2022

Sample post image

fa marefo ny fahefam-panjakana ankehitriny manoloana ny zava-misy amin’izao fotoana izao, mazava fa misy zavatra tsy mandeha eto satria mivoaka daholo ny antontan’isa ka tokony hifampidinihana,... Isan’izany ny nilazan’ny Banky Iraisam-pirenena fa 80,2% ny tahan’ny mahantra. 75 ilay izy, lasa 80%. Ny tahan’ny fiakaran’ny harin-karena tamin’ny 2021 dia 4,4%, amin’ity 2022 ity vinavinaina ho hotonga any amin’ny 2,8%, nihemotra izany isika, ka na inona na inona fomba filaza, dia tompon’andraikitra ny Fitondrana, hoy Atoa Hajo Andrianainarivelo. Ara-politika, naneho fa tokony hirosoana ny fikaonandoham-pirenena hijerena vahaolana hoentina hirosoana amin’ny fifidianana ny MMM. Fikaonandoham-pirenena hoenti-manatsara ny rafi-pifidianana anefa fa tsy hoentina hizarana seza ao anaty Fitondrana satria raha ny MMM dia tao anatin’io no nivoaka raha ny nambaran’ny Filohany. Naneho moa ny MMM fa tsy ao anatin’ny vovonana miara-dia sy manohana ny fitondrana ankehitriny intsony. Nilaza ny MMM fa efa nandray anjara tamin’ny fifidianana hatramin’izay, ary vonona handray anjara satria ny tsy manana olom-boafidy aza vonona mainka fa izy ireo izay efa manana isan’ambaratongany. Na izany aza, miombon-kevitra ny MMM fa tokony hapetraka ny lamina fitsipi-dalao mazava ara-pifidianana satria isan’ny lesoka ny tsy nahatanterahan’izany. “Tamin’ny 2017, nisy ny kaomisionina fakan-kevitra niraisan’ny Malagasy, voasolo tena ny antoko politika samihafa, nialohan’ny fifidianana 2018 io, nodinihin’ny samy Malagasy ny zavatra tokony hohatsaraina sy tokony hamboarina amin’ny fikarakarana sy fanomanana ny fifidianana: CENI, HCC isan’ny voaresaka tamin’izany. Ny mahavariana dia tsotra, tsy nisy notanterahina izy ireo, ny vokany dia iny fihetsiketsehana tamin’ny 2018 iny notarihin’ny depiote 73 sy ny lalàm-pifidianana nifandroritana. Midika izany fa misy zavatra tsy mety ao anatin’ny fifidianana”, hoy I Hajo Andrianainarivelo. Tsy hizara seza anefa no hatao amin’ny fikaonandoham-pirenena, fa fametrahana fitsipi-dalao mazava amin’ny fifidianana, ary efa tao no niala ka tsy hiverina ao ny MMM, araka ny nambaran’ny Filohany.


MIJERY NY TSIO-DRIVOTRA POLITIKA SY JEOPOLITIKA
Tsy tongatonga ho azy ny fanambaran’ny MMM. Tsara ny mampahatsiahy fa ny 11 martsa 2022 nialohan’ny fanovana governemanta ny 17 martsa no nanambara ny tsy handraisany anjara ao intsony ny MMM, nanambara ihany koa fa miandany amin'i Ukraine sy ireo firenena tandrefana, raha toa ka nisafidy ny tsy hiandany kosa ny Fanjakana. Nisy ny filazana taorian’izay, fa ny fialana tao anaty governemanta no natao, fa mbola manohana sy miara-dia amin’ny fitondrana. Ankehitriny, nilaza mazava fa tapaka tanteraka ny tady, tsy anaty vovonana miara-dia amin’ny fitondrana intsony. Matoa manao an’izay ny MMM, mijery ny tsio-drivotra politika anatiny sy ny jeopolitika, tsy ao intsony ny làlana, ary mety ho rendrika ny sambon’ny volomboasary, ka naleony niala nialoha. Naneho ny ahiahiany momba ny fifidianana ho avy ny Vondrona Eoropeanina amin’ny zavatra maro tokony hohatsaraina, ny tsy fahatokisana loatra ny CENI sy ny HCC, ny mpanohitra niantso fikaonandoham-pirenena hametrahana fitsipi-dalao mazava ara-pifidianana, ary efa mirona amin’izany ny MMM izay avy tao anaty Fitondrana. Tsy tongatonga ho azy izany sary politika sy ara-jeopolitika izany. Manao pi-maso amin’ny Tandrefana sa efa isan’ny olon’ny Tandrefana i Hajo Andrianainarivelo sy ny MMM ?
Toky R
 

Dans la même rubrique

Card image cap
Eliace Ralaiarimanana “Hadio Antananarivo manomboka eto”
25-nov-2022

Nihaona tamin’ny ben’ny tanànan’Antananarivo, Naina Andriatsitohaina, aho anio (TTF: omaly), hoy ny mpanao politika Kristianina sady kandida ben’ny tanànan’Antananarivo teo aloha, Eliace Ralaiarimanana.

Card image cap
Fanjakana tia manenjika sy managadra Manivana moka fa mitelina rameva, tojo ny taolana…
25-nov-2022

Nanakoako ny fanambaran’ireo firenen-dehibe sy vondrona iraisam-pirenena omaly naneho fa manohana ny vahoaka Malagasy sy ny governemanta ary ny fiarahamonim-pirenena amin'ny ady amin'ny kolikoly,

Card image cap
Alain Andriamiseza “Rehefa mitarika fanorenana ifotony dia namanay”
24-nov-2022

Hiroso amin’ny fikaonandoham-pirenena izahay na iza vonona na iza tsy vonona, hoy ny mpanao politika, Alain Andriamiseza. Na iza hanao na iza tsy hanao, hoy izy.

Card image cap
Fikaonandoham-pirenena Raisina ao Antaninarenina rahampitso ireo volavolan-kevitra
24-nov-2022

Ho tohin’ny fanambarana ny 31 oktobra 2022 tao Bel’air sy ny tao amin’ny Soimanga Manakambahiny ny 14

Card image cap
Toe-draharaha politika mafana Tonga manao fakan-kevitra eto ny SADC
24-nov-2022

Manatanteraka iraka eto Madagasikara ny iraky ny Vondrona SADC nanomboka omaly 23 novambra hatramin’ny 28 novambra ho avy izao. Isan’ny heverina ho lehibe ao anatin’io ny resaka politika sy ny toe-draharaha mialohan’ny fifidianana.

Card image cap
Tsy azo atao ankamehana ny fifidianana “Mbola tsy mifampatoky isika malagasy
24-nov-2022

Nampahafantarina omaly tetsy amin’ny Le Pavé Antaninarenina ny fitsanganan’ny Hetsika iombonana ho fanarenana sy fanorenana ifotony an’I Madagasikara na H.I.F.F.I.M.

Voir plus