tia tanindrazana

Parution du Mardi, 7 Décembre 2021

airtel

Politique

Naivo Raholdina “Aza miandry esorina ny minisitra tsy mahavita azy”

Nanao tatitra ho an’ny vahoakan’ny boriboritany fahadimy, izay nosoloin’ireo sefo fokontany sy sefo sektora, tetsy amin’ny kianja maitson’Analamahitsy ny sabotsy teo ny depiote voafidy teny an-toerana, Naivo Raholdina,

12-juil-2021

Sample post image

  izay sady filohan’ny vaomiera misahana ny fananan-tany eo anivon’ny antenimieram-pirenena, noho ny hamehana ara-pahasalamana. Nivory, hoy izy, ny antenimieram-pirenena nanomboka ny 4 mey 2021 ka hatramin’ny 7 may 2021. Ny lalana fanitsiana ny tetibola dia nolanianay tao. Tolo-dalàna miisa 12 no tonga tao. 8 no nolanianay. Volavolan-dalana 12 no tonga tao. Lany avokoa izany fa nasiam-panitsiana ny 3. Tolo-kevitra na “résolution” 5 no nodinihina. Lany ny 3. Tsy nipetraka tamin’ny fanaovan-dalana fotsiny teny amin’ny antenimieram-pirenena fa nisy fivoriana iraisampirenena tamin’ny alalan’ny “visio-conference” miisa 9. Nisy koa ny “bureau parlementaire des affaires” niara-niasa sy nivory tamin’ny parlemantera Malagasy. Mpikamban’ny parlemanta francophone moa isika dia nandray anjara tamin’izany ny depiote malagasy. Nisy koa ny kaomisionina politika eto Afrika, ny kaomisionina maneran-tanin’ny parlemanta nandraisantsika anjara. Maro ny asa vita teto amin’ny boriboritany fahadimy ary tsaroanareo tsara fa nahazo solon’anarana hoe Naivo kely mpiady aman’olona aho. Niady ny tenako tamin’izany hoe io kianja ao Androhibe io dia hanaovana EPP manara-penitra. Notanana am-ponja ny sefo fokontany tao ary nijoro ny tenako niaro azy. Nolazaina fa niady tamin’ny fiangonana FLM koa nefa Kristianina ny tena. Eny Androhibe ankehitriny ny EPP manara-penitra izay tsara indrindra eto Antananarivo. Lalankely 15,706 km, lakan-drano 2,240km no vitantsika teto amin’ny boriboritany fahadimy. Paompin-drano miisa 7, toeram-panasan-damba miisa 4, toeram-pitsaboana isan-karazany sy maro hafa no efa vita. Ho avy koa ny “Pompier” goavana hipetraka eto Analamahitsy Cité. Ny solombavambahoakan’ny boriboritany faha 5 no nahazo voalohany amin’ny fangaraharahana, araka ny navoakan’ny Transparency International. Mbola hizara titra faobe 500 mahery eto isika ny alakamisy izao. Nisy ny fihaonan’ny depiote tamin’ny governemanta. Mandeha ankehitriny ny fanadihadiana parlemantera mikasika ny olan’ny fananan-tany eto Madagasikara ka izay tratranay nanao risoriso na titra sandoka na tsindry bokotra dia tsy ho ekenay depiote. Andry Rajoelina fa tsy ny minisitry ny fitsarana no tohanako. Ianareo minisitra izay tsy mahavita azy, aza miandry esorina fa mametraha fialana! Manao antso amin’ny filohan’ny repoblika sy praiminisitra aho, hoy hatrany ny tenany, mba hijery akaiky ny minisitry ny fitsarana sy minisitra sasantsasany.

J. Mirija
 

Dans la même rubrique

Card image cap
Imerintsiatosika Misy olana indray ny tetikasa Tanamasoandro
07-déc-2021

Raikitra ny filanjana sora-baventy omaly tao Imerintsiatosika nentin’ny vahoaka manohitra ny fakana ny tanin’izy ireo hanaovana ny tetikasa Tanamasoandro.

Card image cap
Me Olala – Raharaha Apollo 21 “Manahy izahay fa tsy hivoaka ny fahamarinana”
07-déc-2021

Ora 5 sy sasany teo no lany namakiana ny fiampangana ireo voapanga tao anatin’ny raharaha Apollo 21 na ny fikasana hamono ny filoham-pirenena tetsy amin’ny lapan’ny fitsarana Anosy omaly.

Card image cap
Fitsarana Tampony Nomen’ny Filoha Fiara 4x4 miisa 8
07-déc-2021

Notolorana fiara tsy mataho-dàlana raitra dia raitra miisa 8 ny Fitsarana Tampony. Notontosaina teny Anosy anosy omaly ny lanonana ofisialy nanolorana izany ho an’ity andrim-panjakana ity.

Card image cap
Raharaha Mbola Rajaonah Nisy vavolombelona tsy hita, nahemotra ny fitsarana
07-déc-2021

Niakatra fitsarana tetsy amin’ny PAC (Pôle Anti-Corruption) 67 ha omaly 06 desambra i Mbola Rajaonah, mpandraharaha nanana ny maha izy azy,

Card image cap
Andry Rajoelina Mampiasa fahefam-panjakana manao propagandy
07-déc-2021

Miharihary ary tsy takona hafenina, fa efa mangala-dia manao fampielezan-kevitra mialohan’ny fotoana ny Filoha ankehitriny Andry Rajoelina sy ny ekipany.

Card image cap
Efa nampoizina Ilay notendren’ny Filoha no lasa Filohan’ny CENI
07-déc-2021

Nivoaka ofisialy omaly alatsinainy 06 desambra 2021 ny firafitry ny Birao maharitry ny Vaomieram-pirenena misahana ny fifidianana na ny CENI,

Voir plus