Tokana tsy mivaky, hoy izy, ny TGV boriborintany fahadimy ary manana ny tanjany. Mofomamy 5 metatra sy koba Malagasy am-polony no nanehoan’ny mpikambana TGV ny Fihavanany sy ilay hoe « Fa ny fitiavana no lehibe indrindra” tao anatin’ny fety lehibe nihaonan’ny mpikambana indray taorian’ny hahamehana ara-pahasalamana ka mpikambana miisa 1200 teo no nifampitaona teo amin’ny kianja maitson’ Analamahitsy ny sabotsy 6 novambra lasa teo. Rakotra volomboasary ny toerana nivoriana ary noporofoin’izy ireo fa mbola manana ny tanjany sy ny heriny ny TGV tarihan’ny Filoha Andry Rajoelina ary mbola manana « Base » hatrany amin’ny secteur rehetra ka vonona hiatrika ny fifidianana misy rehetra hatrany amin’ny sefo fokontany, Ben’ny Tananà, Solombavambahoaka, Filoham-pirenena sy ny hafa rehetra. Miantso amin’ny fampihavanam-pirenena koa ny Filohan’ny TGV boriborintany fahadimy, Naivo Raholdina, ho an’ireo namana eto amin’ny fitondrana mba tsy hisian’ny fifanenjehana ara-politika, mba hisian’ny fifamelan-keloka fa samy Malagasy, hoy hatrany izy, fa aleo handeha malalaka ny fifidianana. Ny TGV dia tsy matahotra fifidianana. Ankoatra ny kabary politika dia nisy ny fifaninana teo amin’ny fokontany mendrika tao anatin’ny fokontany miisa 27 anaty boriboritany fahadimy ankoatra ny fanaovana fotodrafitra, fanadiovana ny tanana sy sosialy natao isam-pokontany izay notarihin’i Hanitriniala Raholdina, dia nahazo loka 2 hetsy ariary avy ireo dimy voalohany amin’ny maha boriborintany fahadimy azy, hoy hatrany ny fampitam-baovao.
J. Mirija
Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,
Tsy misy intsony ny Fanjakana tan-dalàna ka mijoro ireo mpahay lalàna sy avara-pianarana sy ny vato
Namoaka tatitra ny depiote Rahasimanana Paul Bert na Rossy omaly,
Hanomboka ny datin’ny 08 ka hatramin’ny 27 Aprily ho avy izao ny
Tao anatin’ny hetsika fotsy aho ary mbola anatin’ny fanoherana, hoy ny kandida ho depiote,
Novorian’ny Governora Guy Ramarosandratana ireo staff-n’ny faritra Mangoro sy ny Birao politika TGV-Distrika Ambatondrazaka ny takarivan’ny 19 aprily teo.