Filohan'ny antenimieram-pirenena, avy Ambatofinandrahana, Ambositra, Fianarantsoa. Praiminisitra, avy Antsiranana. Mba diniho ihany fa sao lahy mitanila loatra, hoy ny mpanao politika sady mpamakafaka, Patrick Raharimanana! Tsy resahako ny « hauts emplois », DG, SG, ny mpitsara rehetra izay azoko antoka ny 80% fa avy Antananarivo. Ny minisitra, Antananarivo no ankamaroany. Ny mpilaza vaovao TVM, Antananarivo. Ny mpandoa hetra, 80% avy amin'ny Faritany hafa ankoatran'Antananarivo. Lazaina fa mandrangitra adim-poko nefa dia zava-misy no ambara. Fomba fiady efa tsy mahomby ny fampitahorana adim-poko izany. Eto tsy misy miady foko izany na misy miandry omena seza. Ampy kosa ny fitanilana! Aleo ho an'ny faritra ny harenan'ny faritra dia samy mampandroso ny azy. Tendreo aminareo any izay tianareo tendrena fa tsy misy malahelo an'izany rehefa mandroso ny faritra tsirairay. Tetibola 90%, Antananarivo mitantana azy, 10% faritany. Lalana “pavé” 10km ve no omena ny governora nefa volamena amin'ny taonina avy any amin'ny faritra no ahondrana any ivelany, na mba sekoly iray tsy miverina aminy? Soa ihany fa ny filohan'ny HCC avy ao Antananarivo no niteny hoe tsy "Antananarivo ihany no Madagasikara"! Rariny raha miakatra Antananarivo ny Malagasy kere any atsimo. Hisaorako ireo mponin'Antananarivo mahatsapa sy manohitra izany fiangarana izany, satria tsy ny mponin'Antananarivo ihany koa no migoka izany harena izany. Antananarivo aza mahantra lavitra noho ny faritra ihany koa fa olom-bitsy manampahefana avy Antananarivo sy avy amin'ny faritra no manao ny olona ho bado, hoy hatrany ity mpanao politika sy mpamakafaka raharaham-pirenena ity.
J. Mirija
Mitohy hatrany ny fitsidihana sekoly eto Fianarantsoa sy ny manodidina, tanterahin'i Docteur Marie Michelle
Nolaniana ny didim-panjakana laharana faha 2024-959 manova ny andininy sasany
Tontosa omaly alakamisy 18 aprily 2024 tao amin'ny Lapan’ny Antenimierampirenena ny
Hita ho mbola niara-nitokan-javatra tamin’ny filoham-pirenena, Andry Rajoelina,
Kandida avy amin’ny antoko AREMA miisa 25 no tsy afaka mandray anajara amin’ny fifidianana ho
Nanahirana ny nikarakara ny taratasy filatsahan-kofidiana solombavambahoaka tamin’ity,