tia tanindrazana

Parution du Jeudi, 30 Juin 2022

airtel

Politique

PM Ntsay Christian Ombay mitady indray…

Nangina tsy re feo intsony indray ny Praiminisitra Lehiben’ny Governemanta Atoa Ntsay Christian tato ho ato. Tsy tena misy fampitam-baovao ofisialy momba ny asa na hetsika manokana ataony tato anatin’ny 20 andro.

20-avril-2022

Sample post image

Rah any pejim-baovaon’ny Primatiora, saika tatitry ny filankevitry ny minisitra sy ny filankevitry ny governemanta no hita ao anatin’ny pejim-baovaon’ny Primatiora nanomboka ny 01 aprily lasa teo. Tamin’io fotoana io no nisiana tatitra farany momba ny zavatra ataony, izay nandray ny Solontena vaovaon’ny Tahirimbola iraisam-pirenena (FMI) teny amin’ny Lapan’I Mahazoarivo, ary ny 31 martsa izay nialohan’io no nanatrehany ny fisintahan’ny Sampan-draharahan’ny Firenena Mikambana miasa sy monina eto Madagasikara, ka nandritra io no nanazavany ny politika ankampoben’ny Fanjakana. Nankaiza ny Praiminisitra no tsy hita popoka tao anatin’ny 20 andro fa toa mionona fotsiny amin’ny filankevitry ny minisitra sy ny filankevitry ny governemanta izany? hoy ny fanamarihana. Tsara ny manamarika fa izy no lehiben’ny fitatanan-draharaham-panjakana eto Madagasikara. Nangina sa nampanginina Atoa Ntsay Christian? Ity Praiminisitra ity izay adihevitra ny fitazonana azy teo amin’ny toerany nandritra ny fanovana governemanta farany teo. Na ireo olom-boafidy IRD tahaka ny depiote Brunelle Razafitsiandraofa dia nanakiana azy mivantana fa ny Praiminisitra no lehiben’ny fitantanan-draharaham-panjakana kanefa dia toa mangina eo anatrehan’ny kolikoly tsy ifankahitana eto izay lombolombon’ny tamin’ny HVM raha ny nambaran’io depiote io. Etsy andaniny, voalaza fa atahorana mafy ny fanesorana azy satria ahiana ho kandida amin’ny 2023 vao hesorina ka isan’ny malaza fa mifandray akaiky aminy ny mpandraharaha goavana iray. Eo anatrehan’ny rafitra sy ny zava-misy, azo sokafana foana ny adihevitra hoe: tena ilaina ve ny toeran’ny Praiminisitra eto Madagasikara. Io izay matetika lasa loharanon’ny krizy indrindra fa tsy mazava ny maro an’isa ao amin’ny antenimieram-pirenena, fa eo ihany koa ny sary mety hiseho hoe: ahiana ho lasa mpifanandrina hatrany amin’ilay Filoha am-perinasa amin’ny fifidianana manaraka, tahaka ny nahazo an’Atoa Hery Rajaonarimampianinna.

Toky R
 

 

Dans la même rubrique

Card image cap
Christine Razanamahasoa “Mialà ny mpitantana rehefa tsy mahavaha delestazy”
30-juin-2022

Ankoatra ny fandokafana nataon’ny ankamaroan’ny depiote mpomba ny fitondrana ary ny kiana mivaivay nataon’ireo depiote avy amin’ny antoko mpanohitra,

Card image cap
Antoko TIM feno 20 taona Miomana haka fahefana indray…
30-juin-2022

Miditra ao anatin’ny kihon-dàlana politika vaovao ny antoko Tiako i Madagasikara na ny TIM, izay mankalaza ny faha-20 taona nijoroany manomboka anio 30 jona 2022.

Card image cap
Tsenam-panjakana 146 tapitrisa Ar Misy mitory ny depiote Tsiliva
30-juin-2022

Notorian’Atoa Maharesy Roi Francis Ben’ny tanànan’Ankavandra teo aloha tompon’ny orinasa ETS AR Business any amin’ny Sampana fitarainana eo na “bureau de doléance” eo anivon’ny Fiadidian’ny Repoblika ny Depiote

Card image cap
Antoko politika Teza “Tokony higadra ingahy Andry Rajoelina”
30-juin-2022

Araky ny lalampanorenana, ny governemanta sy ny parlemantera, ny fifandraisany, indrindra, ny fanaovana lalana, dia ny parlemantera manara-maso ny mpanatanteraka, hoy ny antoko politika Teza.

Card image cap
Fanjakana tsy mahavaha olana “Fampalazana tena sy fampanantenana sisa no atao”
29-juin-2022

Fampalazana tena na « populisme » no mbola hanarontsaronana ny tena zava-misy iainan’ny vahoaka no tena ataon’ny Fitondrana Rajoelina ankehitriny.

Card image cap
Tsy hampandroso na afaka 100 taona aza… 51 miliara Ar isan-taona ho an’ny kaominina 1695
29-juin-2022

Mbola mila ezaka goavana ny resaka fitsinjaram-pahefana sy fitsinjarana ara-bola mba hoenti-mampiodina sy mampandroso ny firenena,

Voir plus