Maninona ny fahasahiranan’ny mpiasa sy ny vahoaka no efa enjana be amin’izao dia mbola hampitahorin’ny mpitatitra ihany hoe hampiakatra saran-dalana ho 1000 ariary izy, hoy ny sekretera jeneralin’ny Randrana, Barson Rakotomanga? Fampitahorana ilay izy satria fanapahan-kevitra mbola tsy masaka akory. Tsy vao androany ny mpitatitra no niteny an’izany. Efa nisy ny toy izany teo aloha dia nifampiresaka amin’ny fanjakana dia hoe nahazo famatsiana na “subvention” 2 na 3 volana dia nangingina dia avy eo tsy hita. Hitantsika amin’izany ny fijalian’ilay mpisitraka fitaterana. Tokony hatsahatr’ireo mpivarotra solika koa izany hoe ampiakatra sy ny rehetra fa lasa atao kilalao ilay vahoaka. Tokony tapahana miaraka amin’ny fanjakana any ambadika any ilay izy rehefa hanapa-kevitra. Zavatra masaka no tenenina amin’ny vahoaka avy eo. Hitantsika io izao ny fisiana zavatra tsy voadinika tsara koa momba ny fisondrotana karama. Namolavola izany koa ny sehatra tsy miankina. Nivoaka tany amin’ny CNT mihitsy ny fakan-kevitra vao nalefa saingy ny fanjakana no nametra hoe mankanesa aty aloha fa hampiakatra izahay. Tokony hijery izao ny fanjakana hoe inona no tokony ataony mba tsy ho mafy be ny fiantraikan’izany vidin-tsolika sy saran-dalana izany amin’ny vahoaka malagasy? Tsy tokony hiditra amin’ity hoe “subvention” ity aloha ny fanjakana satria efa nisy izany teo aloha fa 3 volana dia tsy hita indray. Ny tsy fahaloavana ny karaman’ny ECD sy ny fisotroan-dronono ao amin’ny CNAPS aza tsy vita dia hitetateta amin’izany indray. Ny hetra alaina be loatra no tokony hahena be fa io no mampiakatra vidim-piainana. Be loatra koa ny fandanindaniam-poanan’ny fanjakana ka tokony hahena koa. Izahay sehatra tsy miankina koa anie ilainareo amin’ny 2023 e , hoy hatrany ny Randrana sendikaly.
J. Mirija
Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,
Tsy misy intsony ny Fanjakana tan-dalàna ka mijoro ireo mpahay lalàna sy avara-pianarana sy ny vato
Namoaka tatitra ny depiote Rahasimanana Paul Bert na Rossy omaly,
Hanomboka ny datin’ny 08 ka hatramin’ny 27 Aprily ho avy izao ny
Tao anatin’ny hetsika fotsy aho ary mbola anatin’ny fanoherana, hoy ny kandida ho depiote,
Novorian’ny Governora Guy Ramarosandratana ireo staff-n’ny faritra Mangoro sy ny Birao politika TGV-Distrika Ambatondrazaka ny takarivan’ny 19 aprily teo.