tia tanindrazana

Parution du Mercredi, 10 Août 2022

airtel

Politique

Rina Randriamasinoro “Ampy izay ny famotehana entin-dRajoelina”

Misy isaky ny faritany, faritra, distrika, kaominina, hatrany amin’ny fokontany, ary sahinay ny miteny fa mbola misy daholo ireo rafitra ireo manerana an’i Madagasikara,

04-juil-2022

Sample post image

ka raha manontany ianareo hoe: hatraiza ny tanjaky ny TIM dia omeo toerana ny antoko ahahafahany manao fihetsiketsehana ahitantsika an’izany, hoy i Rina Randriamasinoro Sekretera Jeneralin’ny TIM ny sabotsy teo nandritra ny fankalazana ny faha-20 taonan’io Antoko io. “Izahay hatreto matoa mijoro, dia mampahafantatra ny tantara nisy teto amin’ny firenena, ary tsy matahotra izahay mampahafantatra izany. Efa nitondra ny firenena nanomboka tamin’ny 2002 ary naharitra fito taona, sangany taty Afrika i Madagasikara tamin’ny fampandrosoana tamin’ny ankampobeny mihitsy. Rehefa tonga ny fanonganam-panjakana notarihin-dRajoelina dia niha potika ny firenentsika mandrak’ankehitriny. Na ny zavatra nopotehina tamin’ny fanonganam-panjakana aza mbola tsy tafarina hatramin’izao”, hoy izy. Aminy, tsy tokony ho amin’ny vava fotsiny fa ny tarehimarika rehetra no asaina miteny ny fampandrosoana izay entiny, fa amin’izao aloha dia firenena farany mahantra i Madagasikara, ary mbola afaka 75 vao mahatratra ny fari-piainan’ny olona any Rwanda izay nisy firenena nisy ady an-trano raha mbola izao fitondrana izao. Nahitsy izy nilaza fa tsy azo ekena ny fahapotehan’ny firenena nanomboka tamin’ny fanonganam-panjakana izay nataon-dRajoelina hatramin’ny ankehitriny, ka tsy maintsy hijoro ny antoko hanavotra ny vahoaka Malagasy. Ny zavatra misy eto dia tsy karazana fitondrana ho an’ny Malagasy intsony, fa ho an’olom-bitsy. Na inona na inona fandikan-dalàna miseho na fanondranana harena io na fangalarana volamena sy ny maro samihafa dia tsy misy tohiny. Ny mpanohitra, ny mpamatsy vola, ny firaisamonim-pirenena,… tsy misy tohiny. Ny mpanohitra anefa na fanehoan-kevitra fotsiny aza hidirana am-ponja,…. hoy i Rina Randriamasinoro.
NIANTSO NY TANORA HANDINIKA NY TANTARA
“Raha araka ny lalàmpanorenana, farafahatarany 2023 ny fifidianana. Misy ny “jeune Tim”, isan’ny jeren’ny TIM manokana ny tanora ary mametraka ny hoe: aoka tsy ho disoina ny tantara, fa hakana lesona, hijerena ny ho avy. Matoa ampianarina any am-pianarana mihitsy, dia tsy tokony ho takonana ny tantara, ary tsy tokony hodisoina, ary izay no hanentanako ny tanora tsy hionona fotsiny amin’ny zava-misy amin’izao. Aza mijery ny androany fotsiny, raha mahantra isika, raha izao ny toerana misy antsika, aza mijery ny androany fotsiny fa jereo hoe: inona ny tantara nisy nahatonga ny firenentsika ho fadiranovana tahaka izao ary inona ny lesona tokony hotsoahintsika ahafahana mibanjina ny ho avy”, hoy i Rina Randriamasinoro.
Toky R
 

Dans la même rubrique

Card image cap
Andry Rajoelina Jamba amin’ny fahoriam-bahoaka…
10-août-2022

Hafahafa hatrany ny politikam-pitantanana asehon’ny Fanjakana Rajoelina. Miankina amin’ny tombotsoa politika ny laharam-pahamehana,

Card image cap
Jerry Rakotoarijaona “Tsy misy mazia ny famonjena firenena”
10-août-2022

Sarotra ny miresaka amin’izao fotoana izao, hoy ny filohan’ny fikambanana Vahaolana anio sy rahampitso, Jerry Rakotoarijaona,

Card image cap
Dr Ignace Randriamamizafy “Ny krizin’ny toekarena sy sosialy no lasa rotaka politika”
10-août-2022

Diso tanteraka ny hoe: hanongam-panjakana ny mpanohitra raha mamory vahoaka etsy amin’ny Kianjan’ny Magro, ary tsy hisy Fanjakana hiongana amin’ny resaka kabary fotsiny izany satria maneho ny heviny sy ny fahitany ny

Card image cap
Vovonan’ny tanora mpitolona tia tanindrazana “Hafahafa ny fanambaran’ny GEN”
10-août-2022

Ny vovonan’ny tanora mpitolona tia tanindrazana na JPRM dia tena manara-baovao ary mijery sy miaina ny raharaham-pirenena misy eto Madagasikara, hoy ny mpikambana ao aminy, Rivellino Ravelomahazo.

Card image cap
Diplaomasia Miharendrika hatrany ny Fitondrana
10-août-2022

Mihasarotra hatrany ny toeran’ny Fitondrana Malagasy na ho an’ny politika anatiny na ny ivelany. Ny ato anatiny, ambony ambany, tsy misy politikam-pitantanana anatiny tsy mazava,

Card image cap
Fanjakana Rajoelina "Tsy mahay, tsy manaiky ho diso mihitsy..."
09-août-2022

Manana ny fahaiza-manaony sy ny nampiavaka azy ny Filoha ankehitriny Andry Rajoelina, manana ny tantaram-pahombiazana ara-piainana na “success story” izay nideran’ny maro azy izy,

Voir plus