Lasa kolontsaina ilay hoe manaova grevy dia azonao ny valin-kasasaranao. Notsiahiny ny fivoizana hoe: aza mividy vaksiny fa ity misy tavoahangina tambavy, misy solombavambahoaka IRD misotro tambavy dia maty. Filoham-pirenena izany tsy manao “promotion” ana tambavy no asany, fa mbola ampianarina azy ny asany, hoy i Roland Ratsiraka. Nahitsy ity olom-boafidy ity nilaza fa Filohan’ny vahoaka Malagasy fa tsy Filohan’antoko, ary tsy hanao bizinesy no ilàna azy eo na hangoron-karena fa hampanan-karena ny vahoaka Malagasy. Ny tribonaly ankehitriny aza, hoy izy, lokoina “orange” na volomboasary! Nambarany fa betsaka ny Filoha nitondra teto, fa tsy nisy tribonaly miloko mena lokon’ny Arema izany, tsy nisy lokon’ny TIM, tsisy tribonaly mangamanga izany, ankehitriny “orange”, kanefa fitsarana izany tsy tokony hitanila sy loko politika. “Voalohany izy raha serasera, tao anatin’ny 60 taona, tsy mbola nahita aho Filoham-pirenena mahay mandainga ohatran’ny Filoham-pirenena ankehitriny. Tena matihanina amin’ny fandaingana”, hoy izy. Ohatra iray, handeha hijery ny làlam-pirenena faha-2 tonga ny angidim-by roa ao Toamasina,… Miditra ao anaty fiara, alaina sary fa hoe: handeha amin’ny RN2 izany. Vita ny sary, mivoaka ny fiara dia lasa mandeha angidim-by. Tsy vitan’izany ihany, fa hoe amboarina ny làlana, eo daholo ny “engins”, hay nalaina sary fotsiny, hoy izy. Nambarany ny fisiana sehoseho ivelany, toy ny tany Sambava feno olona, ohatran’ny hoe milamina be ny lavanila, kanefa ampihimamba no tena mandeha. Ny “litchi”, lavanila, jirofo,… hanaovana ampihimamba, fanadiovam-bola. Ankoatra io, 500 000ha isan-taona ny hazo tapahana eto, tsy mandroso isika, tsy mbola nisy famotehana tahaka izao tao anatin’ny 60 taona. Ny Air Madagascar, ry zareo ihany no nampiditra ilay fiaramanidina A340, io fiaramanidina io mihinana angovo be, nanofa fiaramanidina,… hoy ity depiote ity.
Toky R
Mitohy hatrany ny fitsidihana sekoly eto Fianarantsoa sy ny manodidina, tanterahin'i Docteur Marie Michelle
Nolaniana ny didim-panjakana laharana faha 2024-959 manova ny andininy sasany
Tontosa omaly alakamisy 18 aprily 2024 tao amin'ny Lapan’ny Antenimierampirenena ny
Hita ho mbola niara-nitokan-javatra tamin’ny filoham-pirenena, Andry Rajoelina,
Kandida avy amin’ny antoko AREMA miisa 25 no tsy afaka mandray anajara amin’ny fifidianana ho
Nanahirana ny nikarakara ny taratasy filatsahan-kofidiana solombavambahoaka tamin’ity,