sosialy, ekonomika, ary ara-pahasalamana, dia nandray diplaomaty vahiny hafa indray i Marc Ravalomanana omaly. « Mbola faly ihany koa ny tenako nandray ny Ambasadaoron' ny République Fédérale d'Allemagne Andriamatoa Michael Derus anio Alakamisy 22jolay 2021 », hoy ity Filoha teo aloha ity omaly. Tsy nisy nipika kosa ny resaka, fa tatitra tsotra hoe nandray ambasadaoro fotsiny no navoakany tao amin’ny pejy ofisialiny. Fifandrifian-javatra ihany ve ny fanatonan’ny diplaomaty vahiny misesisesy an’i Marc Ravalomanana ? Ao anatin’ny vanim-potoana mafampana eto amin’ny firenena ihany koa etsy an-daniny no isehoan’izany. Amin’ny diplaomasia sy ny politika, dia tsy tongatonga ho azy izany. Manara-maso akaiky dia akaiky ny toe-draharaha eto ny firenen-dehibe sy ny fianakaviam-be iraisam-pirenena. Mety manao fakan-kevitra sy mifampizara vaovao amin’ireo heveriny fa olobe tsy azo hihodivirana. Manao tatitra ihany koa any amin’ny sehatra mampaniraka azy avy. Henjana ny toe-draharaha sy ny toe-javatra miseho, ary mailo sy mijery akaiky an’izany ny iraisam-pirenena mba tsy hilazana fa mety tafiditra mivantana na ankolaka ihany koa amin’ny zava-miseho eto. Andrasana izay mety ho fanambarana sy fanehoan-kevitry ny filoha teo aloha Marc Ravalomanana eo anatrehan’ny toe-draharaha miseho satria iray amin’ireo mpitarika politika sokajiana ho tsy azo hihodivirana ny tenany izay lehiben’ny mpanohitra RMDM, ary hanao fikaonan-doha nasionaly izy ireo anio sy rahampitso.
Toky R
Hanao rodorodo any Toamasina hiatrika ny filankevitry ny minisitra mitety faritra anio
Efa niteny ny antoko politika Teza fa tsy handray anjara amin’io fifidianana io satria ho haingon-tsehatra
Mitohy ny fanapahan-kevitra hafahafa ao amin'ny Antenimierampirenena Tsimbazaza taorian'ny nanonganan'ny IRD
Anio 16 aprily 2024 no hamoahan’ny Fitsarana avo momba ny lalàmpanorenana na
Isan’ireo antoko nanapa-kevitra handray anjara amin’ny fifidianana ny antoko politika Otrikafo
Mbola misy ny antsojay amin’ireo tsy ao anatin’ny antoko politika miaraka amin’ny fitondrana