Hatramin’ny olon’ny Fitondrana aza miaiky fa na tamin’ny andron’ny Fitondrana HVM aza tsy tahaka izao ny kolikoly. Ny olom-boafidy misy manararao-pahefana, tahaka ny depiote sasany. Matevina, ohatra, ny dosie mikasika solombavambahoaka voarohirohy amin’ny raharaha trafikam-bolamena, mpitsikombakomba amin’ny karana. Ialokalofana ny zo tsy azo henjehina na “immunité parlementaire” ampiasaina amin’ny fanondranana harem-pirenena, tena ao anaty tambajotra goavana,... Alefa avy eo ny sarintsarim-panadihadiana momba ny trafika, saingy ireny efa avoakan’ny fampahalalam-baovao sasany ireny ny ampahany milaza fa ny mpangalatra indray no hanadihady. Tany anaty Fiadidian’ny Repoblika nahenoana olona voasaringotra tamin’ny raharaha ahiana ho misy kolikoly goavana, saingy nezahina nosarontsaronana. Tsy manameloka avy hatrany an’izy ireny izay anjara asan’ny fitsarana, fa ny mahagaga sy mahatalanjona dia toa nampiasaina ny fahefam-panjakana nampanginana ny raharaha. Tao anaty governemanta nisy olona maro voatonontonona tamin’ny fanodinkodinana mivantana na ankolaka na koa fitsetsefana ny volam-panjakana amin’ny alalan’ny kiantranoantrano: raharaha écran plat 216 tapitrisa Ar, bonbons sucettes 8 miliara Ar,… fa vitavita ho azy. Ny mamaky bantsilana ny heverina fa afera maloto sy ahiahy tamin’ny fandrobana ny volam-panjakana tamin’ny fomba mihaja indray no henjehina any amin’ny Fitsarana raha hiverenana ilay ampamoaka amina miliara maro tao amin’ny Minisiteran’ny fahasalamana, tahaka ny hoe 40 miliara nalaina ary tsy naverina manontolo, 900 tapitrisa Ar nanaovana Centre de transpalantation rénale izay voalaza fa dosie hosoka no nahazoana ny tsenan’asa,... Ny tatitry ny fitsarana momba ny kaonty mikasika ny nampiasana ny vola 440 tapitrisa dolara niatrehana ny coronavirus, dia ireny niaraha-nahita ireny ny nanehoany azy fa betsaka ny tsy fangaraharana sy tsy fanarahan-dalàna. Nisy minisitra voatonona tamin’ny afera maloto nesorina fa nangina avy eo ny raharaha. Mbola misy minisitra ao anatin’io governemanta io voatonontonona amina afera maloto tahaka toy ny hoe: nitsikombakomba nandray vola hatrany amin’ny 400 tapitrisa Ar mba tsy handetehana mpanao trafika harem-pirenena,… Betsaka ny raharaha kolikoly goavana ahenoana anaran’olona ambony am-perin’asa n ateo aloha saingy ny hitoviany dia mangina sy mipirina. Sanatria natao ho fialokalofan-jiolahy ve ny Fanjakana sy ny Andrim-panjakana?
Toky R
Mitohy hatrany ny fitsidihana sekoly eto Fianarantsoa sy ny manodidina, tanterahin'i Docteur Marie Michelle
Nolaniana ny didim-panjakana laharana faha 2024-959 manova ny andininy sasany
Tontosa omaly alakamisy 18 aprily 2024 tao amin'ny Lapan’ny Antenimierampirenena ny
Hita ho mbola niara-nitokan-javatra tamin’ny filoham-pirenena, Andry Rajoelina,
Kandida avy amin’ny antoko AREMA miisa 25 no tsy afaka mandray anajara amin’ny fifidianana ho
Nanahirana ny nikarakara ny taratasy filatsahan-kofidiana solombavambahoaka tamin’ity,