Politique

 mpanorina ny antoko teny Faravohitra niarahan’ireo birao politika sy olom-boafidy.Ny fikambanana Tiako Iarivo nanolotra ny filoha tale jeneralin’ny TIKO ho kandida ben’ny tanànan’Antananarivo renivohitra (1999) no nivadika ho Tiako i Madagasikara.Io no nahalany an’i Marc Ravalomanana ho filoham-pirenena ny taona 2001.Naharitra 7 taona teo amin’ny fitantanana ny firenena ny antoko TIM, filoha nasionaly efa nifandimby nitantana ny antoko Atoa isany Raharinaivo Andrianatoandro, Yvan Randriasandratriniony, Solofonantenaina Razoharimihaja (efa nodimandry) .Anisan’ireo birao politika sy lohandohan’ny mpisorona teo anivon’ity antoko ity ry Rajemison Rakotomaharo, Patrick Ramiaramanana, Jacques Sylla, Olivier Donnat Andriamahefamparany, Olga Ramalason Hanitra Razafimanantsoa.19 taona aty aoriana niova ny endriky ny antoko ary misy ireo olom-baovao toa an-dry Fidèle Razara Pierre , Rina Randriamasinoro, Penjy Randrianarisoa, sy ny maro hafa.Ny endrika no mety niova fa ny foto-kevitra mitoetra hatrany dia ny fikatsahana ny mahasoa ny vahoaka sy ny firenena.Mbola tsaroan’ny rehetra tsara angamba ny fomba fitenin’i Marc Ravalomanana fony izy filoham-pirenena manao hoe : “ny mahasoa aloha no atao izay vao ny mahafinaritra”, sy ny hoe “miasa mafy, miasa tsara, miasa haingana”..ary ilay hoe “ny tonga miaraka no fanombohana fa ny miasa miaraka no fahombiazana”.Mbola ao anatin’ny tontolo politika tsara ny TIM ankehitriny izay manana rantsamangaika maneraana ny nosy, manana depiote sy ben’ny tanàna ary mijoro ho mpanohitra.Ny hoe mbola hiverina eo amin’ny fitantanana ny firenena ve dia efa mazava ny resaky ny filoha Ravalomanana : miaina ny fanaovana politika ary maro ny zavatra mety miova.Matoa manana antoko sy vina ary fandaharanasa dia mihevitra ny ho e amin’ny fitondrana mba hamadihana izany ho fandaharanasa.Na izany aza tsy mbola fantatra hoe iza no mety ho kandidan’i Tiako I Madagasikara amin’ny fifidianana fiohan’ny Repoblika ho tanterahana amin’ny 2023 hatreto aloha.
RTT