tia tanindrazana

Parution du Jeudi, 30 Juin 2022

airtel

Politique

Trosa be miavosa Mandoa 600 000 Ar isam-batan'olona ny Malagasy…

Tsy arakaraka ny vava be nataon’Atoa Andry Rajoelina tamin’ny propagandy fa tsy handroso isika na amin’ny 2030, 2050, 2060,…

23-juin-2022

Sample post image

raha mbola hiantehitra amin’ny mpamatsy vola mahazatra, fa rehefa izy no e odia isika indray no hampindram-bola an’i Comores. Mahatratra 16 139.65 miliara Ar na 4 miliara dolara anefa ny ambin'ny trosa ivelany tsy voaloan’i Madagasikara, raha ny voasoratra ny volavolan-dalàna mifehy ny tetibolam-panjakana na ny PLFR 2022. Mitsinjara ho efatra io, ka midangana indrindra amin’io an’ireo « Organismes internationaux » mahatratra 11 679 ,57 Ar, ka mitana ny lohalaharana amin'ny trosa mbola tsy voaloan'i Madagasikara any ivelany, ny farany volana desambra 2021, ny an'ny IDA (Association internationale de développement), rantsan'ny Banky iraisam-pirenena ho an'ny firenena faran'ny mahantra, 7 930.62 miliara ariary, manaraka azy ny an'ny FAD (Fonds africain de développement ) 2 210.97 miliara ariary. Faharoa ny an’ireo mpikambana ao anatin’ny Club de Paris na «Bilatéral, Membres du club de Paris » mahatratra 1 245,09 miliara Ar ka 548,19 miliara amin’io an’i France. Mahatratra 1 649,81 miliara Ar kosa ny an’ireo “non membres du club de Paris”, ka 1505,51 miliara Ar an’ireo antsoina hoe: “autres créditeurs” ahitana an’i Algerie, Angola, Chine, Inde, Irak, Lybie, raha toa ka 144,30 miliara Ar kosa ny an’ny « Fonds Arabes ». Mahatratra 1565,19 miliara Ar kosa ny trosan’ny « Crediteurs privés » izany hoe : ny avy amin’ny tsy miankina ka ny an'ireo Institutions Financières no betsaka indrindra mahatratra 1 287,98 miliara ariary, 206,52 miliara Ar kosa ny an’ireo Banky ara-barotra. Mitotaly 16 139.65 miliara ar (4 milliards de dollars) ny ambin'ny trosa ivelany tsy voaloa. Eo amin'ny 600 000ar isam-batan'olona, hatramin'ny zaza vao teraka, amin'ny Malagasy 27 tapitrisa.

MILA FAHAIZA-MITANTANA
Voasokajy ho firenena mahantra fadiranovana tsy mahavelon-tena i Madagasikara hatramin’izao, na voalaza aza fa miaina eo ambonin’ny harena. Hatreto, tsy afa-miala amin’ny fianteherana amin’ny mpamatsy vola satria ny vola hampiodinana ny Fanjakana aza tsy ananantsika, tahan’ny fampidiran-ketra tsy 15%,… Tsy ny fitrosana no ratsy fa mila hay kosa ny mamadika izany ho lasa tombony sy ho herijika sy hery ahafahana manarina ny toekarena.Bokan-trosa isika fa moa mba niatraika tamin’ny fiainam-bahoaka sy ny toekarena izany ? Mbola miankin-doza ara-bola, ara-politika, ara-jeopolitika, ara-teknolojia,… Raha misy ny fahaiza-mitantana sy ny finiavana ara-politika lavitry ny fitiavan-tena, azontsika atao ny mamadika ny harena eto ho aina hiodinan’ny firenena. Tsy midika ho fiolonolonana, fa mila fifanakalozana ara-teknolojia, mila mpampiasa vola,… Ny fahaiza-miresaka sy ny fahaizana mampiasa ny vola ho amin’ny tombotsoa ambon’ny firenena no zava-dehibe, fa tsy ny famenoana paosy na fitantanana tsy mangarahara toy ny nanaovana ny 1818 miliara Ar tamin’ny coronavirus. Asa mivaingana no ilaina fa tsy seho ivelany hanaronana ny tsy fahombiazana!
Sary fanehoana: Mila fahaiza-mandresy lahatra sy fahaiza-mitantana ny fitrosana mba tsy hampidi-kizo firenena
Toky R

 

Dans la même rubrique

Card image cap
Christine Razanamahasoa “Mialà ny mpitantana rehefa tsy mahavaha delestazy”
30-juin-2022

Ankoatra ny fandokafana nataon’ny ankamaroan’ny depiote mpomba ny fitondrana ary ny kiana mivaivay nataon’ireo depiote avy amin’ny antoko mpanohitra,

Card image cap
Antoko TIM feno 20 taona Miomana haka fahefana indray…
30-juin-2022

Miditra ao anatin’ny kihon-dàlana politika vaovao ny antoko Tiako i Madagasikara na ny TIM, izay mankalaza ny faha-20 taona nijoroany manomboka anio 30 jona 2022.

Card image cap
Tsenam-panjakana 146 tapitrisa Ar Misy mitory ny depiote Tsiliva
30-juin-2022

Notorian’Atoa Maharesy Roi Francis Ben’ny tanànan’Ankavandra teo aloha tompon’ny orinasa ETS AR Business any amin’ny Sampana fitarainana eo na “bureau de doléance” eo anivon’ny Fiadidian’ny Repoblika ny Depiote

Card image cap
Antoko politika Teza “Tokony higadra ingahy Andry Rajoelina”
30-juin-2022

Araky ny lalampanorenana, ny governemanta sy ny parlemantera, ny fifandraisany, indrindra, ny fanaovana lalana, dia ny parlemantera manara-maso ny mpanatanteraka, hoy ny antoko politika Teza.

Card image cap
Fanjakana tsy mahavaha olana “Fampalazana tena sy fampanantenana sisa no atao”
29-juin-2022

Fampalazana tena na « populisme » no mbola hanarontsaronana ny tena zava-misy iainan’ny vahoaka no tena ataon’ny Fitondrana Rajoelina ankehitriny.

Card image cap
Tsy hampandroso na afaka 100 taona aza… 51 miliara Ar isan-taona ho an’ny kaominina 1695
29-juin-2022

Mbola mila ezaka goavana ny resaka fitsinjaram-pahefana sy fitsinjarana ara-bola mba hoenti-mampiodina sy mampandroso ny firenena,

Voir plus