tia tanindrazana

Parution du Vendredi, 25 Novembre 2022

airtel

Politique

Valy bontana ao amin’ny APMF “Tapi-dalan-kaleha ny Sendika lany daty”

Sesilany ny valin-kafatra avy ao anatin’ny APMF (Agence Portuaire Maritime et Fluviale) eo anatrehan’ny fihetsika voalaza fa ataon’ireo olom-bitsy mpitarika sendika,

20-sept-2022

Sample post image

ambaran’ny andaniny fa efa lany daty, ary efa tapi-dalan-kaleha tahaka ny sokina nanani-bato. Isan’izany ny filazana ny Tale Jeneraly ho tsy mahay mitantana, natorohana ho mpiratsy tikombakomba amin’ny fiaraha-miasa amin'ny Britanika. Momba ilay fampiasana Balise AIS, fitaovana entina manara-maso ny làłan'ny sambo, hahafantarana ny hafainganam-pandehany ary ny toerana misy azy sy ny sisa. Nanamafy ny eo anivon’ny APMF fa teknolojia avo lenta io Balise antsoina hoe AIS io, ary efa nitondran’ny Tale Jeneraly Capitaine de Vaisseau Randrianantenaina Jean Edmond fanazavana antsipirihany. Raha tsiahivina dia niainga avy tamin'ny fifanakalozana traik'efa fony izy tale Jeneraly tao amin'ny CFIM no nentina nampiroboroboana ny fiaraha-miasa amin'ny Britanika. Nisy tamin'ireo AlS efa novidian'ny APMF mialohan'ny hitondran'ny Tale Jeneraly ankehitriny ary nisy 800 tany ho any koa nomen'ny Britanika hoy ny fanazavana. Tsy afaka am-piasaina raha tsy misy ilay antsoina hoe Plate-forme ilay azon 'ny APMF taloha, ary ampiasana zanabolana kosa ilay nifarahana tamin'ny Britanika izany hoe tena ilay fitaovana manara-penitra. Nohazavaina sy noporofoina an-tsary fa mandeha tsara ny fanamboarana sy ny fanatsaràna ireo seranan-tsambo, na ny an-dranomamy. Vao tamin'iny herinandro lasa iny izao, vao nisy mpiasa nalefa hianatra sy hiofana any Frantsa, ka izany rehetra izany ve dia hilazana fa misy tsy fahaiza-mitantana, hoy ny fanamarihana. Nilaza ny Tale Jeneraly fa 5 miliara ny vola novantaniny tao, izay mifandanja tamin'ny karaman'ny mpiasa, kanefa dia vitany ny mampiodina ny APMF, miaraka amian'ireo tetikasa hampandrosoana ny tontolon'ny asan'izy ireo. Manitrikitrika noho izany ny mpitantana fa fanakotontanana ny ataon'ny Sendika nivoy fanaratsiana tamina hainao vaky jery ireny.
Nangonin’i Toky R
 

Dans la même rubrique

Card image cap
Eliace Ralaiarimanana “Hadio Antananarivo manomboka eto”
25-nov-2022

Nihaona tamin’ny ben’ny tanànan’Antananarivo, Naina Andriatsitohaina, aho anio (TTF: omaly), hoy ny mpanao politika Kristianina sady kandida ben’ny tanànan’Antananarivo teo aloha, Eliace Ralaiarimanana.

Card image cap
Fanjakana tia manenjika sy managadra Manivana moka fa mitelina rameva, tojo ny taolana…
25-nov-2022

Nanakoako ny fanambaran’ireo firenen-dehibe sy vondrona iraisam-pirenena omaly naneho fa manohana ny vahoaka Malagasy sy ny governemanta ary ny fiarahamonim-pirenena amin'ny ady amin'ny kolikoly,

Card image cap
Alain Andriamiseza “Rehefa mitarika fanorenana ifotony dia namanay”
24-nov-2022

Hiroso amin’ny fikaonandoham-pirenena izahay na iza vonona na iza tsy vonona, hoy ny mpanao politika, Alain Andriamiseza. Na iza hanao na iza tsy hanao, hoy izy.

Card image cap
Fikaonandoham-pirenena Raisina ao Antaninarenina rahampitso ireo volavolan-kevitra
24-nov-2022

Ho tohin’ny fanambarana ny 31 oktobra 2022 tao Bel’air sy ny tao amin’ny Soimanga Manakambahiny ny 14

Card image cap
Toe-draharaha politika mafana Tonga manao fakan-kevitra eto ny SADC
24-nov-2022

Manatanteraka iraka eto Madagasikara ny iraky ny Vondrona SADC nanomboka omaly 23 novambra hatramin’ny 28 novambra ho avy izao. Isan’ny heverina ho lehibe ao anatin’io ny resaka politika sy ny toe-draharaha mialohan’ny fifidianana.

Card image cap
Tsy azo atao ankamehana ny fifidianana “Mbola tsy mifampatoky isika malagasy
24-nov-2022

Nampahafantarina omaly tetsy amin’ny Le Pavé Antaninarenina ny fitsanganan’ny Hetsika iombonana ho fanarenana sy fanorenana ifotony an’I Madagasikara na H.I.F.F.I.M.

Voir plus