Politique

Iaraha-mahalala ny fahasahiranana sy fahantrana misy sy miha lalina eto Madagasikara. Toe-draharaha vokatry ny tsy fahaiza-mitantana nisy nandritr’ireo fitondrana rehetra nifandimby io. Samy manome vahaolana ny amin’ny tokony hisian’ny fikaonandoha daholo ny rehetra nefa rehefa jerena ilay izy dia toa afantoka loatra amin’ny resaka fikarakarana fifidianana hoavy. Misy hery hafa miantso dinika hitadiavana vahaolana maro. I Madagasikara anefa dia marary noho ny fanaovana politika maloto nampiainana azy an-taonany maro izay voavolavola isaky ny taom-pifidianana am-polo taona maro. Tsy azo fintinina amin’ny resaka fikarakarana fifidianana ny hoavin’ny Malagasy. Ilana vahaolana ny fiovaovan’ny toetr’andro, ny olana ara-tsakafo, ny olan’ny angovo, ny olan’ny fahasalamana. Tsy tokony hiandrasana taom-pifidianana ny fiaraha-mamaha izany olana rehetra izany, hoy hatrany izy.
J. Mirija