Antony mampitombo ny fidonanam-poana sy ny asa fangalarana ihany koa izany, ka nanosika ny kaominina Talatamaty hanofana manokana ireo olona tsy an’asa ao aminy. Maimaimpoana izany fa tsy handoavam-bola. Natomboka tamin’ny fanovana toe-tsaina sy ny fomba fitondran-tena eny anivon’ny orinasa ny fanofanana, omaly. Nitohy tamin’ny fandrosoana amin’ny ankapobeny izany, fangatahana manokana izay fantatra fa nataon’ireo orinasa mpiara-miasa amin’ny kaominina. Misy ihany koa ny fiofanana arak’asa omena ireo izay vonona toy ny fampiasana ny machine industrielle, ny centre d’appel, ny resaka fitantanana ary ny informatika. Izany no natao moa hoy ny Ben’ny tanànan’ny kaominina Talatamaty dia hahafahana mampihena ny tahan’ireo tanora tsy an’asa ao amin’ny faritra iadidiany. Ankoatra ity ady amin’ny tsy fananan’asa ity dia fantatra fa hijery ny karaman’ireo mpiasa madinika izay tsy mbola nisy fikarakarana tao anatin’ny taona maro ao amin’ny kaominina sahaniny ny Ben’ny tanàna Raharinoasy Elie Dominic. Toraka izany koa ny fanatsarana ny fitantanana sy ny fomba fiasa eo anivon’ny kaominina Talatamaty.
Pati
Legende : Nandritra ny fivoriana notarihin’ny Ben’ny tanàna Raharinoasy Elie Dominic
Azo lazaina ho hazo fijaliana ho an’Antananarivo mihitsy ankehitriny ity tohamboivoy tsy mety ahitam-bahaolana ity.
Lasa atahoranabe ireo vary mitoby na vao tonga any amin’ny seranan-tsambo eto amintsika amin’izao.
Raikitra indray ny hetsika fanairana teny Ankatso II omaly noho ny krizin-drano mahazo ireo mpianatra monina eny an-toerana.
Mbola eto Madagasikara manatanteraka ny asany ny Talem-paritry ny UNICEF aty amin’ny faritr’i Afrika Atsinanana
Efa tena nandefitra ny mponina tety, hoy ny renim-pianakaviana iray eny Amboditsiry,