tia tanindrazana

Parution du Mercredi, 20 Octobre 2021

airtel

Sosialy

Antananarivo renivohitra sy ny manodidina Gaboraraka ny fety sy kotaba manimba fiarahamonina

Toe-javatra mateti-piseho eny anivon’ny fiaraha-monina ny fanaovana fety izay matetika hisiana kotaba amin’ny endriny maro, zava-maneno tsy hifankahitana, savorovoro, fimamoana,…

20-sept-2021

Sample post image

 izay tsy an-kifidy intsony na andro na alina. Matetika no miteraka fahasorenana ho an’ny mpiara-belona satria tsy misy fifanajana intsony. Raha ny lojika, ilàna fahazoan-dàlana eny amin’ny fokontany izy ireny ka tena mbola voahaja ve izany amin’izao fotoana izao? Maro ny fokontany tena lasa kotababe eto Antananarivo Renivohitra, ary saika ahitana izany ny ankamaroan’ireo boriborintany enina. Na an-kafaliana noho ny fisiana fety dia matetika no tsy hifankahitana ny fisotroan-toaka misy hatramin’ny fifohana rongony, indraindray mivadika ady. Mety lojika ihany ny fisian’ny toe-javatra izany noho ny hafaliana. Na amin’ny ankaratsiana aza anefa, tsikaritra ho miseho hatrany ihany koa ny sasantsasany amin’ireo, toy ny kotaba, fifamoana,… Asa hoe izany ve no manamaivana ilay fahoriana? Ny mpanao fety moa dia tena tsy miraharaha ny manodidina azy intsony, tsy mba misy fiheverana ny hafa mihitsy ary mampametra-panontaniana hoe: moa nahazo fahazoan-dalana ve ary mazava amin’izy ireny ve ny lalàna sy ny fepetra? Tsy manohitra ny fanaovana fety velively, fa lojika ny tokony ho ao anaty trano na toerana amifefy tsara fa tsy manao izay tiany amin’ny toerana rehetra mety aminy ihany koa. Adihevitra sy niteraka resabe teto herintaona lasa tahaka izao ny fitsipika momba ny Fikoloana ara-pahasalamana sy ara-pidiovana na “CMH”, izay isan’ny mamaritra ny fepetra tokony harahina mba hirindran’ny fiainam-piarahamonina eto Iarivo. Mila hamafisina ny fampiharana izay hita fa mety ny fampiharana azy amin’ny ara-drariny satria toa miha goragora hatrany ny fifanajana ara-piarahamonina.
Toky R
 

Dans la même rubrique

Card image cap
Fitakiana sy grevy Nanitsy ny vavabe nataony ny praiminisitra
20-oct-2021

Nilefitra ny Praiminisitra Lehiben’ny governemanta Atoa Ntsay Christian omaly eo anatrehan’ny grevy samihafa miseho eto amin’ny firenena.

Card image cap
Trafika goavana teny Ivato Safira, Emeraude mitentina 2 miliara Ar no tratra
20-oct-2021

Sarona indray ny fikasana hanao trafikana harem-pirenena goavana teny amin’ny seranam-piaramanidina Ivato omaly talata 19 oktobra.

Card image cap
Mpatory an-dalana etsy Anosy Zaza menavava 7 volana namoy ny ainy
20-oct-2021

Zazavavy kely iray tsy manan-tsiny zanaka mpatory an-dalana etsy Anosy no namoy ny ainy omaly atoandro tokony ho tamin’ny 10 ora tany ho any.

Card image cap
Kaominina Andranonahoatra Itaosy Maika ny fijerena ireo lalan-kely isan-tanana
20-oct-2021

Mbola tsy milatsaka akory ny ranon’orana dia efa velom-panahiana sahady ireo mponina sasany ao anatin’ny kaominina Andranonahoatra, distrikan’Antananarivo Atsimondrano.

Card image cap
Jiro sy rano Hiverina haka “Index” ny Jirama
18-oct-2021

Teboka maromaro no nambaran'ny Tale Jeneraly mpisolo toerana, Radanielina Rivo, ny faran’ny herinandro teo nandritra ny fidinana ifotony teny amin'ny masoivohon'ny JIRAMA Ambatonakanga

Card image cap
Tsena vaovao Behoririka Nisy mpivarotra nesorina tamin’ny toerany
18-oct-2021

Manomboka misy zavatra tsy milamina sahady eo anivon’ny tsena vaovao Behoririka, kaominina Antananarivo renivohitra.

Voir plus