tia tanindrazana

Parution du Mercredi, 20 Octobre 2021

airtel

Sosialy

Arina fandrehitra Ny hetra alaina no tena mampikolay ireo mpaka any am-potony

Tena nampikolay ny rehetra, indrindra fa ho an’ireo tokantrano mampiasa arina fandrehitra tato anatin’ny andro maromaro izao ny fidangan’ny vidin’ity akora ilaina amin’ny fandrahoan-tsakafo ity eny an-tsena.

05-août-2021

Sample post image


 Tafakatra 55.000 Ar mantsy ny iray gony lehibe ho an’ny teto an-drenivohitra raha novidiana 26.000 Ar izany teo aloha. Tsy fotoam-pahavaratra anefa izao ka mety hahatapaka ny lalana hakana azy ireny na koa misy orana ka mety hamono ny afo hanamboarana ny arina fandrehitra. Ekena fa misy ireo lalana ratsy saingy na izany aza tsy tokony hisy kosa ny fanararaotana mihoampampana tahaka izany. Rehefa nanontaniana ireo mpanao arina fandrehitra any am-potony dia fantatra fa mamatsy arina fandrehitra ara-dalana toy ny mahazatra hatrany izy ireo. Olana kosa anefa ny fidangan’ny hetra alaina amin’izy ireo indrindra fa ny eny an-dalana na ilay antsoina hoe : ristourne. Tsy avy aminay kosa hoy izy ireo ny hataon’ ireo mpijirika rehefa tonga ny entana na ilay antsoina hoe : mpanera. Na izany aza anefa dia tsy tokony hidanganabe tahaka izany kosa ny vidin’ny arina fandrehitra . Rehefa nanontaniana kosa anefa ny mpivarotra arina fandrehitra iray teto an-drenivohitra dia nambarany fa mba miaka-bidy ihany koa hono ny saribao rehefa miaka-bidy ny kojakoja ilaina rehetra amin’ny fiainana andavanandro. Dia tsy hisy intsony araka izany ny fifampitsinjovana eo amin’ny samy mpiara-belona raha tahaka izany avokoa no toe-tsaina ho enti-miatrika ity fiainana efa tena sarotra ity.
Pati

 

Dans la même rubrique

Card image cap
Fitakiana sy grevy Nanitsy ny vavabe nataony ny praiminisitra
20-oct-2021

Nilefitra ny Praiminisitra Lehiben’ny governemanta Atoa Ntsay Christian omaly eo anatrehan’ny grevy samihafa miseho eto amin’ny firenena.

Card image cap
Trafika goavana teny Ivato Safira, Emeraude mitentina 2 miliara Ar no tratra
20-oct-2021

Sarona indray ny fikasana hanao trafikana harem-pirenena goavana teny amin’ny seranam-piaramanidina Ivato omaly talata 19 oktobra.

Card image cap
Mpatory an-dalana etsy Anosy Zaza menavava 7 volana namoy ny ainy
20-oct-2021

Zazavavy kely iray tsy manan-tsiny zanaka mpatory an-dalana etsy Anosy no namoy ny ainy omaly atoandro tokony ho tamin’ny 10 ora tany ho any.

Card image cap
Kaominina Andranonahoatra Itaosy Maika ny fijerena ireo lalan-kely isan-tanana
20-oct-2021

Mbola tsy milatsaka akory ny ranon’orana dia efa velom-panahiana sahady ireo mponina sasany ao anatin’ny kaominina Andranonahoatra, distrikan’Antananarivo Atsimondrano.

Card image cap
Jiro sy rano Hiverina haka “Index” ny Jirama
18-oct-2021

Teboka maromaro no nambaran'ny Tale Jeneraly mpisolo toerana, Radanielina Rivo, ny faran’ny herinandro teo nandritra ny fidinana ifotony teny amin'ny masoivohon'ny JIRAMA Ambatonakanga

Card image cap
Tsena vaovao Behoririka Nisy mpivarotra nesorina tamin’ny toerany
18-oct-2021

Manomboka misy zavatra tsy milamina sahady eo anivon’ny tsena vaovao Behoririka, kaominina Antananarivo renivohitra.

Voir plus