Fiaraha-miasa tamin’ny Croix-Rouges any Seychelles, Croissant-Rouge Turc, ary ny Fondation Peace Train. Ho famaliana ny tsy fahampiana ara-tsakafo izay mianjady amin’ny any Atsimo, dia niara-nisalahy nizara sakafo izy ireo, ka tanjona ny hitondra tohana ho an’ireo lasibatry ny haintany ao amin’ny Kaominina Behara Faritra Anosy. Vary 30kg avy, voamaina « poids de cap » 2kg, tsaramaso 2,5kg, menaka 3litatra no nositrahan’ny olona. Efa nanomboka ny taona 2020 no nanamafy ny fizarana tohana ara-tsakafo ho an’ireo olona lasibatry ny kera ny Croix Rouges Malagasy, hoy Rtoa Alice Ralisoa, Filoha Nasionalin’ny Croix-Rouges Malagasy. « Amin’izao fotoana izao, dia misy ny faritra hafa, misy ireo olona hafa lasibatra ihany koa ka miezaka manao izay tratranay sy azonay hoentina eo anatrehan’izany izahay », hoy hatrany izy. Ahafahana miahy ireo olona mandritra ny 15 andro aloha io mba hisorohana ny tsy hivarinan’izy ireo any anaty tsy fanjarian-tsakafo mahery vaika na « insécurité alimentaire aigue » voasokajy ao anatin’ilay hoe : « Priorité 1- IPC 4 En Urgence dans la classification ». Tafiditra ao anatin’ny famonjena vonjimaika ho an’ny mponina noho izany ny nataon’ny Croix-Rouges, saingy maneho izy ireo fa mikendry ihany koa ny tanjona antenantenan’ezaka ahafaha-manome ny hoenti-manana hanampy amin’ny filàn’ireo mponina.
Toky R
Taorian’ny fitarainan’ny vahoakan’Andranambo Ambodihady Ambohimanarina anatin’ny Boriborintany
Ireo mpivarotra no anisan’ny lohalaharana amin’ny fandotoana ny tsena avy amin’ireo karazana kojakoja hampiasainy sy hamidiny.