Sosialy

 raha nitsidika ireo traboina natoby teny Anosizato atsinanana omaly. Nidina avy hatrany nankahery ireo traboina rehetra ato anatin’ny distrikan’Antananarivo Atsimondrano ny tenako, hoy izy. Nitondra izay tsirambin’ny tanana ihany koa. Ny ankamaroan’ireo olona ireo amin’izao fotoana izao dia misy rava trano, very asa, potika fananana. Rarina raha apetraka ao anatin’izany ny fehim-pihavanana amin’ny samy malagasy. Mifankahery sy mifanohana anaty sarotra. Mifanome tanana, indrindra, satria hitantsika fa tena miaina anaty fahasahiranana tokoa ireo vahoaka ireo amin’izao fotoana izao. Manao antsoavo ny mpikamban’ny governemanta ny tenako, indrindra, ny BNGRC mikasika ny famatsiana ara-tsakafo ireto vahoaka ireto. Eo koa ny fijerena ny lafiny ara-tsosialy maharitra satria tsy tafaverina anaty fotoana fohy ny fahavoazana. Mila jerena ny lafiny ara-kasa sy ny fanarenana ireo fotodrafitrasa simba. Ahoana no hijerena vahaolana maharitra toy ny fametrahana toerana manokana mba handraisana ny sanatria voina mitranga toy ireny satria amin’izao fotoana izao dia vonjimaika avokoa ny zava-drehetra. Na ny trano sekoly aza dia hitantsika fa tsy maintsy najanona ny fampianarana fa nametrahana traboina aloha, hoy hatrany ny tenany.
J. Mirija
Legende: Ny depiote Alain Ratsimbazafy (manao mangamanga) nitafa tamin’ireo traboina