Misy ireo teboka mavo, dia sarin’ny toerana mirehitra azo avy amin’ny teknolojia VIIRS (Visible Infrared Imaging Radiometer Suite). Ny velaran’ny toerana mirehitra kely indrindra hita avy amin’io teknolojia io dia 1,50 metatra ny savaivony,nhoy ny tatitra. Io teknolojia io hatreto no raitra indrindra, ary ahazoana manaitra ny tompon’andraikitra ety an-tany raha vao manomboka fotsiny ny afo. Eo ihany koa ireo teboka mena azon’ny satelita avy amin’ny teknolojia antsoina hoe MODIS (Moderate Resolution Imaging Spectroradiometer). Ny velaran’na toerana mirehitra farany kely indrindra azo avy amin’ity teknolojia ity dia manomboka eo amin’ny 1 kilaometatra ny savaivony, izany hoe rehefa hita dia midika izay fa efa midadasika ihany ny faritra mirehitra. Nisy ihany koa sarina ala sy tanety mirehitra naseho kosa dia nalaina ny 19 novambra, avy eny ambony fiaramanidina nampitohy an’Antananarivo sy Taolagnaro, fony izy nisidina ny faritry ny Ala Atsinanana. Tena mirehitra Madagasikara, potika tanteraka, ekena fa hireharehan’ny Tompon’andraikitra ara-panjakana ny hoe: mihazakazaka amin’ny fandrakofana ala, ary avo roa heny amin’ny tanjona napetraka, saingy mila matotra ny paikady hisakanana sy hifehezana ny fahapotehana mandeha. Efa miharihary amin’ny fiainana andavanandro ny doro tanety sy doro ala satria io iaraha-mahita io ny tsy fitotsahan’ny orana kanefa ny volana novambra efa hifarana. Ny hafanana efa tena tsy zaka, miteraka aretina samihafa, ny rano mihena ary tsy ampy intsony.
Toky R
Taorian’ny fitarainan’ny vahoakan’Andranambo Ambodihady Ambohimanarina anatin’ny Boriborintany
Ireo mpivarotra no anisan’ny lohalaharana amin’ny fandotoana ny tsena avy amin’ireo karazana kojakoja hampiasainy sy hamidiny.