Sosialy

araka ny nambaran’ny Minisitry ny Toekarena sy ny Fitantanam-bola, Rabarinirinarison Rindra Hasimbelo, nandritra ny fampahafantarana ny Volavolan-dalàna mifehy ny teti-bolam-panjakana ho an’ny taona 2023 teny amin’ny Antenimierandoholona. Raha ny fahasahiranan’ny rehetra ankehitriny, efa ny 82% eo ho eo amin’ny Malagasy no voasokajy ho mahantra fadiranovana saingy 1,15 tapitrisa aloha izany no hahazo fiahiana, izay zava-dehibe, saingy irariana ny hivelarany hatrany. Tokony hijery vahaolana ara-toekarena sy ara-tsosialy mahomby sy maharitra kokoa kosa ny Fanjakana. Nambaran’ny minisitra ihany koa fa hatao vaindohan-draharaha manokana ny tsy hisian’ny faty antoka amin’ny teti-bola mihoapampana amin’ny resaka fandaniam-bolam-panjakana. Ny 25%-n’ny fandaniana dia hositrahan’ny sehatra ara-tsosialy avokoa ao anatin’io Volavolan-dalàna io, hoy ity Minisitra ity. Raha ny fanehoan-kevitry ny mpahay toekarena Atoa Serge Zafimahova roa herinandro teo moa izay dia zara raha eo amin’ny 35% teo ny tahan’ny famoahana sy ny fampiasana volam-panjakana dia nakatona tamin’ny oktobra ho an’ny tetibolam-panjakana 2022. Tena manam-bola marina ve ny Fanjakana sa dia sora-bola fotsiny no mipoapoaka ao anatin’ny tetibolam-panjakana izay toa lasa endrika maneho sy manaporofo fa poakaty ny ankamaroan’ny zavatra soratana mitaha amin’ny zavatra tontosa sy tanteraka?

Toky R