Sosialy

ary ny Filoham-pirenena aza sahy niteny fa tsy afaka hiandry vary roa taona vao miakatra. Nolazaina fa fampandrosoana ary nireharehana ny fanafarana 20 sambo. Ankehitriny, ny hafarana mihitsy no efa manomboka tsy misy. Taorian’ny lafarinina vita amin’ny varim-bazaha izay naato noho ny fiakaran’ny vidiny ao anatin’ny firenena Indianina, nanapa-kevitra ny hampiato ny fanondranana vary (brisure) ny Fanjakana Indianina. Efa nanomboka ny volana may no norarana ny fanondranana varim-bazaha na “blé”. Manahy ny Indianina eo anatrehan’ny olana ara-tsakafo maneran-tany, ka miezaka mifehy ny fanondranana hitsinjovana kokoa ny ao anatiny. Miakatra isan-kerinandro ny vidin’ny lafarinina, ny vary,… any amin’io firenena faharoa be mponina indrindra eto ambonin’ny tany io. Efa 70 roupies na 0,88 euro eon y kilaon’ny vary, raha 50 roupies na 0,63euros teo aloha. Ny lafarinina niakatra 200% ny vidiny eo amin’ny fanondranana. Mahatratra 300 euros ny taonina amin’ny lafarinina amin’izao fotoana izao. Manampy trotraka izany, lasibatry ny loza voajanahary ihany koa I Pakistan izay isan’ny firenena mpanondrana vary be. Tsy mbola nisy tao anatin’ny 30 taona, ka mponina manodidina ny 33 tapitrisa amin’ny 220 tapitrisa no lasibatra. Efa maherin’ny 1000 no maty hatramin’ny jona, trano 1 tapitrisa simba, toeram-pambolena tsy latsaky ny 80 000 ha simba, làlana 3400km sy tetezana 157 difotry ny rano, biby fiompy 800 000 maty,… Lasibatry ny krizy noho izany ity firenena ity, izay midika fa hihena ny fanondranany, na hitsahatra mihitsy aza. Isan’ny mbola miankin-doha betsaka amin’ny fanafarana vary any ivelany isika Malagasy. Faha-17 amin’ny firenena mpanafatra entana any Ukraine, saingy efa lasibatry ny ady ny any, io fa voa ihany koa I Pakistan, mifehy tena I Inde. Manodidina ny 250 000 taonina isan-taona anefa ny fanafarana vary ataon’I Madagasikara ho fanampin’ny vokarina eto, izay tsy ampy. Mila mitodika amin’ny politikam-pamokarana anatiny. Mbola malalaka I Madagasikara, saingy ny finiavana no tsy misy, mbola ny haingitraingitra sy haingo ambony tsikoko aloha hatreto no handaniana an-jatony tapitrisa euros toy ny teleferika, Tanamasoandro,…
Toky R