mamaritra ny fandaharam-potoanan’ny Filoham-pirenena. Navoakan’ny fampahalalam-baovao akaiky ny fitondrana ihany koa ny hisian’io araka ny fanamafisana avy amin’ny Filohan’ny GEM na ny Vondron’ny mpandraharaha Atoa Thierry Rajaona. Nambarany araka ny notaterin’io Fampahalalam-baovao io, fa tsy ny olan’ny karama ihany no hodinihina ao fa ny tontolon’ny asa manontolo izay efa namafisiny hatrizay fa mila fifampidinihina matotra amin’ny fanjakana ny tontolon’ny fandraharana eto Madagasikara. Nisy izany teo aloha tamin’alalan’ilay sehatra “Dialogue Public Privé” ary somary niato izany nandritra ary taorian’ny fandalovan’ny valan’aretina Covid. Momba ny fiakaran’ny karama 9,9%, efa nihatra nanomboka ny voalohan’ny volana aprily izany ho an’ny sehatra tsy miakina, araka ny voalazan’ny filohan’ny GEM hatrany. Efa maro ireo orinasa nampiatra izany avy hatrany, tsy niandry ny didim-pitondrana araka ny voalazan’ny fanjakana raha ny nambaran’ity filoha ity hatrany. Manaja ny karama farany ambany ho 200.000 ariary avokoa ny orinasa tsy miankina voasoratra ara-dalana fa ireo tsy mbola tafiditra ao anatin’ny sehatry ny ara-dalana no tsy manaja izany, ho fanamarihana ny voalazan’ny minisitra mahakasika izay, hoy ny fanazavany. Heverina fa mbola hangotraka ny adihevitra na izany aza. Henjana mantsy ny handidy ny orinasa tsy miankina hampiakatra karama satria tena miankina betsaka amin’ny fiodin’ny orinasa, ny tombom-barotra,... ny ahafahana manao izany, ary mety samy hanana ny fahafaha-manaony.Hafa indray raha misy ny tohana na “subvention” avy amin’ny Fanjakana. Olana iray hafa eto Madagasikara ihany koa ny mbola maha ao anatin’ny sehatry ny tsy ara-dalàna ny manodidina ny 70% amin’ny asa eto Madagasikara. Ny fidangan’ny vidim-piainana anefa tena miantraika amin’ny rehetra fa tsy amin’ny mpiasam-panjakana sy ny mpiasa tsy miankina amin’ny sehatra ara-dalàna ihany. Ny avy amin’ny randrana sendikaly eto Madagasikara etsy andaniny efa nilaza fa na 30% aza ny fiakarana mbola tsy tena mifandraika amin’ny zava-misy. Ho henjana ny fandehan-javatra!
Toky R
Ho tapaka rano ny talata 23 sy Alarobia 24 aprily amin'ny 8 ora alina ka
Mamita iraka eto Madagasikara hatramin’ny 3 mey ho avy izao ny delegasionin’ny Tahirimbola Iraiasam-pirenena
Tsy mety amin’ireo tompona magazay sy mponina manodidina an’Analakely ny fandaminana
Sahirana ireo mpitsabo, manoloana ireo trangan’aretina misy manoloana ireo
Trano fivoahana iray na gabone, hoy isika, izany hoe WC eny Ambodimita no
Tonga eto Madagasikara omaly Alahady 21 Aprily Ramatoa Etleva Kadilli,