tia tanindrazana

Parution du Jeudi, 30 Juin 2022

airtel

Sosialy

Fanalefahana ny vidin’entana “Maro ny tekinika azo ampiharina”

Raha ny karaman'ny malagasy rehetra no miaraka ampiakarina dia tsy misy olana mivaha eto, hoy ny sekretera jeneralin’ny holafitry ny mpanao gazety teo aloha, Miary Rasolofoarijaona.

27-avril-2022

Sample post image

Izao zavatra iainantsika izao ihany no zava-misy eo, hoy izy. Io ilay antsoina hoe “inflation”. Raha nahazo vola be isika dia jereo izay rafitra na “structure” sy “mécanisme” na fampandehanan-draharaha maika mba ahafahana mampiakatra ny famokarana na “Production” sy mampiakatra ny fahefa-mividy na “Pouvoir d'achat”. Ny fahefa-mividy tompoko tsy midika fampiakarana karama ihany fa mety fampidinana ireo zavatra stratejika ilain'ny olona ka lasa manidy be ny vola eo am-pelan-tanany. Ny angovo rehetra toy ny solika, Jirama, saribao, saran-dalana, fitsaboana sy ny hafa rehetra, ohatra. Raha ireo no ampiasana ny "fofom-bola be" dia mba mety hitondra soa ho an'ny fiarahamonina tokoa io trosa be io. Tadidio fa ny trosa tokony hampiasaina amina zavatra hampidi-bola na “investissement” mba ahafahana mamerina azy, hoy hatrany ny tenany. Miha zary lasa tarika na “generation” mpanjifa sy mpandray vonona fotsiny sisa ny taranantsika ankehitriny, hoy kosa ny mpanakanto sady mpahaifiarahamonina, Mahaleo Rasolofondraosolo na Dama. Aterina eto daholo ny zavatra rehetra hany ka tsy manana heritreritra loatra ny hamokatra intsony ny tanora, hoy izy, ary hanahirana io atsy ho atsy raha tsy ahitam-bahaolana dieny izao. Resaka fiakaran’ny vidin’entana na “inflation” sy ny fahasarotam-piainana miha lalina aterak’izany moa eto no resaka fa raha mijery ny tekinikan’ireo mpivarotra any amin’ny tany mandroso toy ny ao Eoropa kosa isika amin’izao fotoana izao dia tsikaritra ho tena be mpampihatra koa ny antsoina hoe “réduflation” na tsy fanetsehana ny vidin’entana saingy fanenana ny fatra na ny haben’ny entana amidy eny an-tsena kosa ary io fomba amam-panao io no tsikaritra fa voalaza ho antony ho toy ny tsy mampihetsika firy ny vidim-piainana any raha tsy efa am-polo taonany maro. Maro araka izany ireo tekinika azo ampiharina hanalefahana izay fiakaran’ny vidin’entana izay, raha ny fanadihadiana natao hatrany.
J. Mirija
 

 

Dans la même rubrique

Card image cap
Oniversitem-panjakana Mangotraka indray ny fitakiana vatsim-pianarana
30-juin-2022

Miverina indray ny fitakiana vatsim-pianarana eny amin’ny anjerimanontolo. Raikitra ny grevy teny amin’ny Sekoly ambony politeknika Vontovorona omaly. Niditra tamin’ny fanakanan-dàlana sy fandorana kodiarana.

Card image cap
Faritra Menabe Mandravarava ny andiam-balala
29-juin-2022

Nampaneno lakolosy ny depioten’i Morondava Christophe Tsiliva Didiot omaly nandritra ny fihaonan’ny solombavambahoaka sy ny governemanta omaly,

Card image cap
Tsy fanjarian-tsakafo aty Afrika Hamoaka 2,3 miliara dolara ny Banky Iraisam-pirenena
29-juin-2022

Nankatoavin’ny Banky Iraisam-pirenena ny fandaharan’asa FSRP (Programme de résilience des systèmes alimentaires pour l'Afrique de l’Est et australe) misy famatsiam-bola mahatratra 2,3miliara dolara.

Voir plus