Sosialy

Raha araka ny fantatra dia ireo mpiasan'ny fahasalama irery ihany no mamaritra sy manome azy io ho an'ireo zaza tsy maintsy mihinana azy izay marihina fa misy fambara tratry ny tsy fanjarian-tsakafo ihany koa. Tsy hohanin-kanim-poana ny Plumpy nut sy Plumpu Sup araka izany. Ny mahavariana anefa dia miparitaka eto an-drenivohitra ihany koa izy io toy ny hita eny Anosibe sy ny manodidina eny. Alan’ireo mpivarotra ao anaty tranony izy ireny dia karakarainy ary hamboarina ao anaty boaty na koveta kely. 50 Ar ny eran’ny sotrokely amin’izany raha ambaran’izy ireo fa 10.000 Ar kosa no hividianany ny iray fonosana lehibebe milanja 1 kg eo ho eo. Saika variana mividy ity plumpy ity mba hatao ody vavony avokoa ireo ankizy madinika mpianatra noho izany , indrindra mahita mpivarotra manaiky vavahadin-tsekoliny. Tsy ho an’ny distrikan’i Betroka irery araka izany ny tokony hanaovana fanaraha-maso fa eto an-drenivohitra ihany koa. Hisy moa ny fepetra horaisina ho an'ireo izay tratra mivarotra io fanampiana io any Betroka izay fantatra fa fanampiana tsy azo amidy satria fanomezana avy amin’ny mpiara-miombon'antoka amin’ny fanjakana Malagasy.
Pati