tia tanindrazana

Parution du Mardi, 7 Décembre 2021

airtel

Sosialy

Fandoavam-bola Mifanenjana ny fanjakana sy ny jovena

Miitatra ny lonilony eo amin’ny orinasa mpamatsy solika Jovena sy ny Fanjakana Malagasy amin’izao fotoana izao. Voalaza fa nanapa-kevitra ny hanajanona ny famatsiana solika ny Jirama io orinasa io,

15-oct-2021

Sample post image

 ka nangataka ny handoavana ny trosany 8 volana aloha. Vidina solika fandrehitra sy hofana milina ireo voalaza fa tsy voahefan’ny Fanjakana io. Nilaza kosa ny Praiminisitra Ntsay Christian omaly, fa “io Jirama io dia anisan’ny orianasa ohatran’ny Air Madagascar, ratsy tantana nandritra ny taona maro. Miezaka manitsy izany haratsian’ny fitantanana izany. Tsy azo terena ny fitondram-panjakana handoa vola izay tsy voalohan’ny jirama any amin’ireny mpamatsy sy mpiara-miombon’antoka ireny. Raha misy faktiora tsy voalohan’ny jirama mikasika solika sy angovo, dia tsy maintsy jerena antsipirihany, ary mila fandraisana andraikitra ny jirama izany satria misy tompon’andraikitra mpitantana”, hoy ny Lehiben’ny governemanta. Nahitsy izy nilaza, fa raha misy miteny hoe tsy maintsy aloha daholo kanefa tsy ampy ny porofo dia tsy afaka mandoa izany Fanjakana. Teo anatrehan’ny fanapahan’ny Jovena ny famatsiana solika sy ny fiaraha-miasa amin’ny Jirama, dia niditra tamin’ny “réquisition” na fanerena io orinasa io ny Fanjakana. “Raha mikasika fiainam-pirenena dia tsy hanaiky izany ny Fanjakana”, hoy ny Praiminisitra. Tsy nanaiky ny Jovena ka nitondra ny raharaha any amin’ny filankevi-panjakana, saingy nolavina, ka andrasana amin’ny herinandro ny fitsarana. Heverina fa misy ifandraisany amin’ny raharaha nanesorana ny Tale Jeneralin’ny Jirama Atoa Vonjy Andriamanga nandritra ny filankevitry ny minisitra ny alarobia teo. Azo sokajiana ho raharaha goavana ary tena stratejika be io fifanolanan’ny Fanjakana amin’ny Jovena io, ary mety ho lasa lavitra. Samy miandry izay ho tohiny ny rehetra. Raha ny voalan’ny Tale Jeneralin’ny Ofisim-pirenena momba ny akoran’afo na ny OMH ny herinandro lasa teo ihany koa moa, dia voalaza fa mahatratra 43 miliara Ar ny trosa ananan’ny orinasa mpaninjara solika amin’ny Fanjakana amin’ny fitazonana ny vidin-tsolika, izany hoe tsy any amin’ny resaka jirama ihany, fa mbola misy resaka trosa hafa mamatotra ny Fanjakana amin’ny kaompanian-tsolika.

 

Tsara ho marihana fa ao anatin’ny Axian Group, tahaka ny banky BNI an’ilay mpanefoefo Hassanein Hiridjee ny orinasan-tsolika Jovena. Tafiditra aoo anatin’ireo olona 5 manankarena indrindra eto Madagasikara I Hassanein Hiridjee ary tsy eto ihany izy no mandraharaha fa hatrany amin’ny ranomasimbe Indiana, Afrika ary Eoropa.
 

Toky R


 

Dans la même rubrique

Card image cap
Andranoalike - Androy Iharan’ny fanaparam-pahefana ireo tompon’omby
07-déc-2021

“Vonjeo izahay mponina aty Andranolalike Kaominina Andalatanosy any Ambovombe Androy fa anjakazakan’ny solontenam-panjakana sy ny mpiray dina ny omby”, hoy ny antso vonjy.

Card image cap
Fiainam-pirenena Tsy misy fampandrosoana vanona raha tsy voafehy ny rano
06-déc-2021

Sehatra mampikolay ny vahoakan’Antananarivo sy ny manodidina ny tsy fisiana sy tsy fahampian-drano.

Card image cap
Vontovorona Nanao fanadiovana faobe ny teny amin’ny Polyteknika
06-déc-2021

Betsaka ireo zava-manahirana ireo mpianatra manovo fahalalana eny amin’ny politeky Vontovorona amin’izao. Ankoatra ny tsy fisian’ny rano,

Card image cap
Anjilava Sambava Pitik’afo no nampirehitra ilay fasana
06-déc-2021

Fasana iray no nirehitra nipitihin’ny afo ny 02 desambra lasa teo teny Ambodiravina, Anjialava Sambava. Pitik’afo avy tamina fandoroana tanimbolin’olona no nahatonga ny afo raha araka ny vaovao voaray.

Card image cap
Tontolo ambanivohitra Mamelona tokantrano ny 90% n’ny vehivavy
06-déc-2021

Maherin’ny 80%n’ireo vehivavy misehatra amin’ny asa mbola tsy tafiditra anaty sehatry ny ara-dalana na ilay antsoina hoe “secteur informel”

Card image cap
Fanondranana olona an-tsokosoko Ankizivavy miisa 8 indray no saika nalefa tany Dubai
06-déc-2021

Tambazotra mahery vaika mpanondrana olona hiasa antsokosoko mankany Dubai no ravan’ny polisim-pirenena tamin’iny volana novambra nivalona teo iny.

Voir plus