Raha araka ny fanadihadiana natao teny amin’ireo tsena maro isan-tsokajiny ohatra omaly dia nahitana fiakarany 150 Ar be izao ny iray kapoaka amin’ny fotsim-bary. Raha mbola 650 Ar tamin’ny tapa-bolana lasa ny iray kapoaka amin’ny vary makalioka sy vary gasy dia tafakatra 800 Ar izy amin’izao eny an-tsena. Raha mbola 4.500 Ar ny iray kilao tamin’ny siramamy fotsy tamin’ny herinandro dia efa tafakatra 5.000 Ar izany amin’izao. Ho an’ny menaka madio fanendy indray raha mbola 8500 Ar ny iray litatra tamin’ny herinandro dia efa 10.000 Ar amin’izao. Ny tena mampitaraina ny mpanjifa, indrindra fa ireo tsy dia salama loatra ka tsy maintsy mampiasa ireny menaka voavaotra ireny dia ny fiakaran’ny vidiny ihany koa. Ho an’ny huilor manokana dia efa mahatratra 15.000 Ar amin’izao ny iray tavoahangy mihidy raha mbola 10.000 Ar izany teo aloha. Ankoatra ireo voatanisa rehetra ireo dia niaka-bidy be ihany koa ny voamaina, ny savon.
Pati
Betsaka ireo olona mihevitra fa rehefa manam-bola na manana diplaomabe hahafahana
Vary lo 124 taonina no nopotehina ny alatsinainy teo tao Toamasina, rehefa voatilin'ny laboratoara fa tsy azo hohanina intsony.
7,4% ny fiakaran’ny tondro momba ny vidin-javatra teo anelanelan’ny febroary 2023 hatramin’ny febroary 2024,
Nivoaka ofisialy omaly 16 aprily ny fanamafisan’ny Minisitry ny toekarena sy fitantanam-bola sy ny Minisiteran’ny asa ny didim-panjakana 2024-794 tamin’ny 02 Aprily 2024 mamaritra