Miverimberina foana ny fanasokajian’ny sivily ny mpitandro filaminana ho tsy mpitandro filaminana fa hery famoretana rehefa raikitra ny hetsi-bahoaka misy fidinana an-dalambe. An-jatony, mba tsy ilazana hoe an’arivony, ireo mpitandro filaminana salorana ny anarana hoe EMMOREG na EMMONAT mamafy entona mandatsa-dranomaso hanaparitahana vahoaka maneho ny heviny. Nisy mihitsy aza moa ireo namoizana aina sy nampitondra takaitra ireo sivily toy izay nahazo ilay tovolahy niala faladia tongotra ny taona 2002, ohatra. Raha resaka tena fifandonana mahery vaika teo amin’ny mpitandro filaminana sy sivily mivantana mihitsy kosa ka namoizana aina sy naharavana fananana no tanisaina dia santionan’ireo efa nisy sy nalaza ny taona 1971 tany Androy. Ny taona 1985 koa tetsy Behoririka sy Ambatomainty, izay vao notsaroana vao haingana dia ny fifandonana teo amin’ireo mpikatroka Kung Fu sy ny tafika tamin’izany fotoana. Ny taona 2017 moa ny raharaha Antsakabary, izay naha dotra tokantranona malagasy maro koa. Ny taona 2022 izany izao dia misy io raharaha ao Ikongo izay namoizana aina sivily 16 isa eo io, noho ny tifitra variraraka nataon’ireo mpitandro filaminana ao an-toerana. Mba mijery ny vahaolana maharitra tsy hiverenan’izany tranga izany intsony ve ny mpitondra ankehitriny sa nisafidy ny hanohy ny dian’ny talohany hatrany? Tombontsoan’ny mpanao politika sy ny mpitondra no anton’ilay tranga mbola mitohy mandrak’ankehitriny sa tena fiarovana ny tombontsoam-pirenena tokoa ?
J. Mirija
Azo lazaina ho hazo fijaliana ho an’Antananarivo mihitsy ankehitriny ity tohamboivoy tsy mety ahitam-bahaolana ity.
Lasa atahoranabe ireo vary mitoby na vao tonga any amin’ny seranan-tsambo eto amintsika amin’izao.
Raikitra indray ny hetsika fanairana teny Ankatso II omaly noho ny krizin-drano mahazo ireo mpianatra monina eny an-toerana.
Mbola eto Madagasikara manatanteraka ny asany ny Talem-paritry ny UNICEF aty amin’ny faritr’i Afrika Atsinanana
Efa tena nandefitra ny mponina tety, hoy ny renim-pianakaviana iray eny Amboditsiry,
