Tena mbola misy amin’izao taon-jato iainantsika izao ny olona manohan’aina amin’ny raketa ho solon-tsakafo, toy ny any Androy. Fotoana fiakarany izao, ka100 Ariary ny tokon'ny raketa any an-toerana, ary tena mihinana an’io ny ankamaroan’ny olona. Fandre ihany koa ny fihinanan’ny olona amin’ny faritra sasany ny viovio noho ny tsy fisian-tsakafo ka betsaka no efa matiny. Raha ny tatitry ny UNICEF ny volana martsa teo, mahatratra 874 000 olona ianjadian’ny tsy fanjarian-tsakafo mahery vaika any amin’ny Faritra Atsimon’i Madagasikara, araka ny fanadihadiana tafiditra amin’ny fanasokajiana mikasika ny antoka momba ny fanjarian-tsakafo. Ankizy hatrany amin’ny 115 000 any amin’io faritra io no mila fikarakarana manokana hiadiana amin’ny tsy fanjarian-tsakafo mahery vaika, raha ny tatitra tamin’izany. Efa an-taonany marobe ny olana any Atsimo, ary matetika aza toa natao fitaovana hitadiavana fanampiana iraisam-pirenena. Ny olana ve no saro-bahana sa ny finiavana no tsy ampy hany ka toa hatao fitaovana politika isaky ny propagandy mba hakana fon’ny olona hatrany io olana any Atsimo io?
Toky R
Mikasa hamita tetikasa famatsian-drano ankehitriny ny fikambanana Mamiratra Antehiroka,
Nampitolagaga ny maro ny fihetsiky ny vehivavy iray tao Toamasina omaly.
Mahamasina Hanomboka anio Alarobia 24 Jolay etsy amin’ny kianjan’i Barea Mahamasina ilay Foara Trano