Nanomboka ny alarobia teo, misy ny fitokonana anatin’ny fotoana tsy voafetra ataon’ireo mpiasan’ny kaominina, hany ka sahirana ireo manan-draharaha hatry ny omaly. Antony ny fitakian’ny mpiasa ny karamany 7 volana tsy voaray, ary tsy misitraka ny zony ireo mpiasa misotro ronono, hoy ny vaovao azo. Manampy trotraka izay, takian’ny mpiasa ny fangaraharahana momba ny fidiram-bola sy ny fitantanana ny kaominina ka isan’ny mitsingoloka izany ny "commission finance" eo anivon'ny Mpanolontsaina, araka ny voalazan’ny fampahalalam-baovao avy any Alaotra. Tokony mahazaka tena ny kaominina Ambatondrazaka renivohitra izay mampiditra 249 tapitrisa ariary isan-taona raha manodidina ny 06 tapitrisa ariary isam-bolana ny karaman'ny mpiasa. Tsy misy ny fandraisan'andraikitra, hoy ny mpanolontsaina iray satria: mitobaka ny fako, mihitatra eny afovoan-dalana ny tsena ary tsy voarindra ny fifamoivoizana fa samy manao izay saim-pantany ny rehetra. Etsy andaniny, tsy misy ben’ny tanàna satria naato noho ny raharaha mahasaringotra eny amin'ny fitsarana, saingy mbola tsy nivoaka ny didim-pitsarana mahakasika io raharaha io na dia nomena fahafahana vonjimaika aza ity olom-boafidy ity. Ny lefitra voalohan'ny Ben'ny tanàna no nitantana vonjimaika ny kaominina kanefa nametra-pialana ny 05 aprily ihany koa io. Voatery nandray fanapahan-kevitra ny Prefen’Ambatondrazaka namoaka didim-pitondrana laharana faha-147-PREF/AZK/CTD/CU dia manendry vonjimaika ny lefitra faharoan’ny ben’ny tanàna Atoa Raharimanana Tahiry Jean izay Lefitra faharoan'ny Ben'ny tanàna, mba hiantsoroka izay asan’ny olom-boafidin’ny tanàna izay.
Toky R
Ho tapaka rano ny talata 23 sy Alarobia 24 aprily amin'ny 8 ora alina ka
Mamita iraka eto Madagasikara hatramin’ny 3 mey ho avy izao ny delegasionin’ny Tahirimbola Iraiasam-pirenena
Tsy mety amin’ireo tompona magazay sy mponina manodidina an’Analakely ny fandaminana
Sahirana ireo mpitsabo, manoloana ireo trangan’aretina misy manoloana ireo
Trano fivoahana iray na gabone, hoy isika, izany hoe WC eny Ambodimita no
Tonga eto Madagasikara omaly Alahady 21 Aprily Ramatoa Etleva Kadilli,