tia tanindrazana

Parution du Lundi, 20 Septembre 2021

airtel

Sosialy

Kere mamono any Atsimo Tena mila asa faran’izay maika

Miezaka mafy ny Fanjakana mandiso sy manenjika ilay mpanao gazety solontenan’ny TV5 Monde sy ny France 24 eto Madagasikara Rtoa Gaëlle Bourgia noho vaovao niresaka ny fahoriam-bahoaka any atsimo,

28-juin-2021

Sample post image

 

olona mihinana hoditra hanaovana kapa,… Lazaina fa diso sy manala-baraka an’I Madagasikara sy kolontsainy. Fotoana vitsy taorian’io, nizara ny rohy an-tranonkala maneho ny antso avo tamin’ny alalan’ny Tale mpanatanteraka David Beasley ny Programa manaren-tany momba ny sakafo na ny PAM ny 23 jona teo. Nilaza ity Tale mpanatanteraky ny PAM ity fa vavolombelona nahita ny fahorian’ny olona any Atsimo mba hanamafisana ny hetsika mba hanohanana ny any Atsimo, izay tena lasibatry ny hanohanana ny ankamaroany. 1,14 tapitrisa no miaina ao anatin’ny tsy fanjarian-tsakafo, ary ny 14 000 amin’ireo dia tena tafiditra ao anatin’ny toe-javatra mampivarahontsana, ary mety ho avo roa heny io hatramin’ny volana oktobra. Niakatra avo roa heny ny tahan’ny tsy fanjarian-tsakafo mitarazoka MAG (Malnutrition Aiguë Globale) tao anatin’ny 4 volana teo ho eo nahatratra any amin’ny antontan’isa mahonena 16,5%. Mila 78,6 tapitrisa dolara ny PAM hiatrehana vonjimaika ny fanavotana ireo mponina, mba hisorohana ny loza izay natrehinay maso ny zava-misy, hoy i David Beasley. Nohamafisiny tao amin’ny pejy manokany aza, fa mitaha amin’ny tamin’ny taon-dasa fa tena vao mainka niha zava-doza satria niakatra avo 7 heny ny zaza lasibatra ny tsy fanjarian-tsakafo noho ny fiovaovan’ny toetr’andro, haintany, tsy fahampian-drano. Asa faran’izay maika no mila hatao, hoy ny Tale mpanatanteraky ny PAM izay nandalo teto Madagasikara ny tapaky ny volana janoary ity.

NANAO ANTSO AVO NY FILOHA SEYCHELLOIS TEO ALOHA “Maherin’ny 1,4 tapitrisa no manakaiky ny mosary ao amin’ny faritra Atsimon’I Madagasikara. Efa namono zaza an’arivony ny hanohanana. Amin’ny maha Filohan’i Seychelles teo aloha ahy, dia miantso ny rafitra roa eo anivon’ny Firenena Mikambana, dia ny sampan-draharaha maneran-tany momba ny fanjarian-tsakafo sy fambolena (FAO) sy ny Programa ara-tsakafo maneran-tany, mba hanetsika ny fianakaviam-be iraisam-pirenena hanao vonjy aina haingana hanampy an’i Madagasikara sy hiatrika ny krizy momba ny maha olona, izay mila hetsika maneran-tany”, hoy ihany koa ny Filohan’i Seychelles teo aloha Danny Faure ny faran’ny herinandro teo. Handiso ireny ary ve ny mpitondra? Sary tsy tiany havoaka ireny. Efa nanao velirano sy milaza ho miasa ho an’ny any Atsimo izy rehefa nidinika ambony latabatra arahina fandokafan-tena ka ny ankoatra izay tsy izy aminy. Ny vahiny ve no mamorona na manitatra sa ny mpitondra Malagasy no minia manafina sy jamba mbola “miwerawera” eo anatrehan’ny zava-misy ?
Legende: Nahita maso aho ary tena mampivarahontsana ny zavamisy any atsimon’i Madagasikara hoy ny Tale mpanatanteraky ny PAM, David Beasley
Toky R

Dans la même rubrique

Card image cap
Saika hifindra monina an-tsokosoko Malagasy 53 indray no tratra tany Mayotte
20-sept-2021

Kazarana sambo kely na ireny antsoina hoe: Kwassas ireny miisa 6 no tsikaritry ny tafika an-dranomasina tatsy Mayotte ary nosambotin’ny borigady an-dranomasina sy ny polisy mpiaro ny sisin-tany,

Card image cap
Famonoana zaza tany Ambositra Olona 4 naiditra am-ponja
20-sept-2021

Olona 4 no fantatra fa voasambotra ary efa naiditra am-ponja tamin’ny faran’ny herinandro teo tany amin’ny kaominina ambanivohitra Ambositra,

Card image cap
Antananarivo renivohitra sy ny manodidina Gaboraraka ny fety sy kotaba manimba fiarahamonina
20-sept-2021

Toe-javatra mateti-piseho eny anivon’ny fiaraha-monina ny fanaovana fety izay matetika hisiana kotaba amin’ny endriny maro, zava-maneno tsy hifankahitana, savorovoro, fimamoana,…

Card image cap
Asa sy fihariana Miroborobo ny resaka zaitra
17-sept-2021

Niroborobo sy nahazo vahana teto amintsika ny resaka zaitra hatramin’ny nisian’ny valan’aretina Covid 19 ka niteraka ny fihibohana teto amintsika.

Card image cap
Vary safiotra Mahatratra 12 taonina isaky ny hektara ny vokatra
17-sept-2021

Araka ny fanazavan’ny vondron’orinasa mpisehatra eo amin’ny vary safiotra na “hybride”, STOI, tetsy amin’ny foara iraisampirenena Malagasy na FIM tetsy Tanjombato omaly,

Card image cap
Hopitaly Befelatanana Ramatoa roa marary tsy misy mpanampy
17-sept-2021

Ramatoa roa marary mafy no fantatra fa tsy misy mpiahy ao amin'ny hopitaly Befelatanana. Kohadavareny sy aretim-po no mahazo azy ireo hoy ny vaovao.

Voir plus