airtel

Sosialy

11-juin-2024

Krizin-drano lava

Nitroatra ihany koa ny vahoakan’Anjanahary

Sample post image

Taorian'ny teny Andraisoro, Amboditsiry, Faravohitra, hatrany Alakamisy Fenoarivo, Ankadifotsy,…

11-juin-2024

ary vao ny faran’ny herinandro lasa teo ny tetsy Andravoahangy, dia nidina an-dalambe ihany koa ny alina teo ny mponin'Anjanahary noho ny fahatapahan-drano lava. Tsy mivaha ny olana na eo aza ny fanairana samihafa, tonga hatramin’ny fidinana an-dalambe, saingy andiana mpitandro filaminana zavon-tany aloha no tena vahaolana aroson’ny mpitondra hifehezana ny fahatezeram-bahoaka. Iray volana lasa tahaka izao moa no efa nitaterantsika teto amin’ny Tia Tanindrazana, fa mahatratra 60000m3 isan’andro ny tsy fahampiana rano eto Antananarivo amin’izao fotoana izao noho ny olana samihafa, ka miteraka ny tsy fahampian-drano amin’ny faritra maro. Tena ny filàna mihitsy no tsy ampy kanefa, ùiverimberina matetika ny fahasimbana noho ny fahateran’ny fantsona, famokarana miankina amin’ny herinaratra, ny fihenan’ny rano indrindra rehefa. Mahatratra 36% amin’ireo fokontany eto Antananarivo no mijaly rano amin’ny ankampobeny tsy misy raha tsy ny alina, ka ny 4% no faritra mena izany hoe : tena tsy misy rano mihitsy na andro na alina, raha 32% kosa ny faritra mavo izay tsy misy rano raha tsy amin’ny alina. Ny aprily 2024 teo dia tafakatra 49% ny faritra mavo tsy misy rano afatsy amin’ny alina, ary 18% ny faritra mena, raha ny voafaritra anaty dosie stratejikan’ny Jirama. Tsy maintsy miditra amin’ny vahaolana vonjimaika hampitonitoniana ny zava-misy (Tsy misy fampiasam-bola lehibe) fa fampifandimbiasana ny fandefasana ny rano amin’ny alalan’ireo « vannes » miisa 9 ; fampiasana kamio citerne izay 3 eo no ahetsika ho an’ny bonbonnes 170 ; fametrahana « hydrophore » mampiakatra rano eny Ambaniala, Antanetibe Ilafy izay mitentina 0,2Miliara Ar izay maharitra 3 volana eo ; fanovana ireo fantsona efa tena antitra eny Amboditsiry izay mitentina 0,5 miliara Ar ary maharitra 2 volana ; fanadiovana ny arafesina eny Ampirika mitentina 0,2 miliara Ar maharitra 3 volana,… araka ny notaterina tamin’izany. Dia ireny iaraha-maheno ireny ny seraseran’ny Jirama eo anatrehan’ny fahatapahana samihafa. Tena tsy misy vahaolana sa ny Fanjakana no variana any amin’ny zavatra tsy tena maika toy ny teleferika sy ireo sehoseho ivelany na fandanindaniam-poana samihafa ? Izao ve ilay Madagasikara tsy maintsy mandroso ?
Toky R

 

Dans la même rubrique

13-juin-2024

Mahatratra 270 000ha ny faritra rakotra valala any Atsimo-Andrefan’i Madagasikara

Card image cap
13-juin-2024

Ny 3 jona teo no nanomboka ary hifarana ny zoma 14 jona izao ny fihaonambe iraisampirenena

Card image cap
12-juin-2024

Mafy ny mahazo ireo mpiasan’ny SMA mpandroaka fako eto Antananarivo renivohitra.

Card image cap
12-juin-2024

Nahazo fanampiana avy amin’ny orinasa Star ny mponin’i Mahajanga.

Card image cap
12-juin-2024

Efa tsy ho an’asa indray izany izao atsy ho atsy ny mpanao labozia sy jiro kapoaka,

Card image cap